回味工房

营业中

休息中

香港整叻沙整得正宗同好食嘅真系唔多，朋友话附近有间叻沙做得几好，于是过去试试。Lunch 时间去到门口见到好多人排队，要等成十张枱，不过好彩唔赶时间，难得黎到，等下都要架啦。今日点左个傅统叻沙，认真不得了，一睇就觉得d料够晒丰富。配料包括有鸡丝、虾、蛳蚶、鱼片、豆卜同鸡蛋。黎到饮饮个汤先，椰奶味算浓烈，但又不失叻沙汤底应有嘅惹味，辣味适中，单以汤底计，已经好高分。至于d配料，比较出色嘅可以话系个活蛳蚶，果然泰国空运返来系唔同d，非常新鲜，咬落好爽脆，完全无异味，只有清甜嘅味道留在口里，呢种大概就系齿颊留香嘅味道。鸡丝切得好幼，配合个粉一齐食，更有合感。豆卜吸收汤嘅精华，非常惹味。鱼片弹牙有鱼味，全部材料都有水准，配合得好好。呢个傅统叻沙强烈推介比大家，就算等位食，都系值得，保证一试难忘。