影片
更多
2020-03-01
1304 浏览
曾被CNN曾形容「再兴是叉烧的同义词」，加上几次荣获米芝莲美食推荐，再兴系叉烧界王者代表地位真系无庸置疑！平时繁忙时间真系唔洗止意堂食，等位都下下讲到要等成半个钟先有位入，于是今晚经过见到有得wall-in就决定入去怀缅下儿时回忆地点：位处于湾仔中心地带，英皇中心同埋湾仔油站附近，距离湾仔地铁站约十分钟步行时间环境：餐厅好易揾到，门口有个大大块嘅传统港式招牌，无论招牌以至餐厅入面嘅格局，都系一间好传统嘅港式烧味店格局，半开放式厨房，烧味挂晒系橱窗，等大家可以睇到既新鲜又肥美嘅烧味，望住啲酱料肉汁慢慢咁滴落黎，见到都好想快啲食！食物质素：叉烧油鸡饭（$36）再兴嘅出左名大碟又平民价，单并双并一律$36，招牌货当然系叉烧啦，肥瘦程度任意选择，佢嘅叉烧同口感扎实，外层表皮微微焦熏，甜甜嘅酱汁（听闻用左麦芽糖）已经渗透入肉内，入味软嫩嘅肉质略带油脂而且又不柴不腻叉烧界王者果然名不虚传！相对之下，油鸡就无叉烧咁出色，毕竟唔系名物，但都系中上，如果想食多几旧叉烧嘅，不妨叫单并！叉烧烧鹅饭（店员所称呼嘅黑毛叉饭）配例汤（$66）每次黎食烧鹅叉烧饭嘅时候都会听到店员叫「一碟黑毛叉饭」初初就咁听落去仲以
加上几次荣获米芝莲美食推荐，再兴系叉烧界王者代表地位真系无庸置疑！
平时繁忙时间真系唔洗止意堂食，等位都下下讲到要等成半个钟先有位入，于是今晚经过见到有得wall-in就决定入去怀缅下儿时回忆
地点：位处于湾仔中心地带，英皇中心同埋湾仔油站附近，距离湾仔地铁站约十分钟步行时间
环境：餐厅好易揾到，门口有个大大块嘅传统港式招牌，无论招牌以至餐厅入面嘅格局，都系一间好传统嘅港式烧味店格局，半开放式厨房，烧味挂晒系橱窗，等大家可以睇到既新鲜又肥美嘅烧味，望住啲酱料肉汁慢慢咁滴落黎，见到都好想快啲食！
食物质素：
叉烧油鸡饭（$36）
再兴嘅出左名大碟又平民价，单并双并一律$36，招牌货当然系叉烧啦，肥瘦程度任意选择，佢嘅叉烧同口感扎实，外层表皮微微焦熏，甜甜嘅酱汁（听闻用左麦芽糖）已经渗透入肉内，入味软嫩嘅肉质略带油脂而且又不柴不腻叉烧界王者果然名不虚传！相对之下，油鸡就无叉烧咁出色，毕竟唔系名物，但都系中上，如果想食多几旧叉烧嘅，不妨叫单并！
叉烧烧鹅饭（店员所称呼嘅黑毛叉饭）配例汤（$66）
每次黎食烧鹅叉烧饭嘅时候都会听到店员叫「一碟黑毛叉饭」初初就咁听落去仲以为真系有分普通叉烧同埋用黑毛猪做嘅叉烧，原来并非如此！
事源系烧鹅同烧鸭嘅读音有啲相似（大家都系有个烧字应该）但佢地价钱相差一倍，为免厨房叔叔因为种种原因听错落错单，于是就叫烧鹅叉饭做黑毛叉，意思系贵价啲果只叉烧并饭！
讲返个饭，绝顶好味叉烧好就唔在话下啦，烧鹅皮脆内嫩，又唔会有会阵鹅嘅膻味，出面一般嘅烧鹅都会有层好肥嘅肥膏喂住块皮，但再兴嘅烧鹅烧得恰到好处，只有少少肥膏，鹅脂肪嘅油渗入肉内，令到充满肉汁，唔会有干净净嘅感觉！相比起佢附近嘅对手（唔开名啦），我较喜欢再兴嘅相对较接地气
再加埋再兴秘制嘅好味汁，甜甜的，捞饭绝佳烧鹅酸甜酱都系放系枱度比大家任用
例汤今日系西洋菜萝卜猪骨汤，系无味精老火汤而且足料！跟饭加六蚊就有，不妨叫碗汤尝尝！
服务：一般烧味店嘅感觉都系店员态度差，食到赶头赶命虽然呢度效率都好高，但店员都好热情招呼你，无叫鸡饭都会又会问你加唔加姜葱，又问你饮唔饮汤，又唔会催你食快啲！又多谢前多谢后，问多两句都唔会X你！同场仲可以听到果把声线沙哑嘅店员伯伯落单声，大家不妨去食嘅时候留意下！呢个系一个我嘅回忆
价钱：再兴一向做开街坊生意，一直都keep住三十几蚊一碟饭，经济又实惠，啱晒唔同阶层人嘅接受程度！份量又够大，无论对劳动开嘅或者文静嘅你，都一定够饱！
网上睇到老板话财富唔系自由行带比你，而最重视嘅都系本地客人，所以一定要多多支持呢间本地老字号名店！
张贴
