林昌記 (已結業)

环境：好细嘅铺头，多人排队嘅话就一定要喺条街度排 食物：有原味白鱼蛋，咖喱鱼蛋，炸鱼蛋，炸片头。16粒$20，7粒$10原味白鱼蛋：好弹牙，第一下咬落去，当你啲牙掂到粒鱼蛋嘅时候，系要用少少力先咬得到嘅。但当咬落去后，就变得非常软。有淡淡嘅鱼味咖哩鱼蛋：严格嚟讲只系将咖喱汁倒上鱼蛋，冇其他街边档咁成窝咖喱汁浸住啲鱼蛋咁入味，可以唔试炸片头：喺餐牌上冇出现嘅，其实佢系炸片头+鱼片，唔似平时啲鱼蛋粉嘅鱼片咁样。佢呢个系真系炸，所以外面系成层炸粉。系好脆口嘅，不过食唔到鱼味啰服务：全店只有一位男士，收完银即刻拧转面整鱼蛋，好忙... 不过仍然好有礼貌，值得一赞！