譚仔雲南米線 (長沙灣廣場)

营业中

休息中

有人问我谭仔有咩好食我第一个反应系，你系米香港人黎? 第二个反应系，谭仔，除左麻辣米线之外，仲有咩好食? 我既话，就系每次都要食，唔食米线都要食既土匪鸡翼。讲真，谭仔虽然出名抵食好味，但并唔系乜野都好食，水准亦有时下降。 上次食左个皮蛋，就真系出事，因为得个皮有辣味，蛋黄冇味。 就系失败之作。但由始至终，从来冇令我失望过既，就系土匪鸡翼。 每次上碟，都不怎冒热气，因为都封实在焦脆既鸡皮之内，只要轻轻一咬，就同黑芝麻香裂出，再深深咬入鲜嫩既鸡肉之内，汁液带有孜然胡椒滋味，流淌在齿颊之间，酣畅痛快，如同土匪打家劫舍既快感。以牙撕肉，以舌吮骨，几分钟就食得干干净净相传土匪鸡翼既由来，就系以前土匪打劫得来的百家香料，都融入鲜烤的鸡翼当中，粗犷，野性，我食既唔系鸡翼，而系一种向往自由既情怀。