新桂香燒臘

营业中

休息中

🍖传说中既神级叉烧🍖-如果钟意食叉烧嘅朋友，相信一定有听过新桂香既叉烧，见好多人对佢既评价好两极，按奈唔到自己嘅好奇心，特登揾日放假入咗柴湾试😜。为咗食到最靓嘅叉烧，特登有打过电话去问佢哋嘅出炉时间😆，有一轮就4pm出炉，3:50分去到店内基本冇叉烧卖，系门口行嚟行去等多一阵，就见到叉烧一份一份挂上去😆，正！即刻同叔叔讲要一份肥叉，叔叔都有好有善咁样提醒返，佢哋嘅肥叉系真系九成肥个种。即刻要转軚要半肥瘦㶶边😛，叉烧饭以饭盒黎讲算系非常贵，盛惠$50一份，叉烧食落去几有肉味，唔系腌到得返叉烧酱味个种，外层系好香蜜味，食落几甜口，因为新鲜出炉嘅关系，而且部位比得非常靓，系真系完美嘅半肥瘦叉烧再加少许㶶，所以个人觉得佢系相当唔错。不过前提系，真系要食到出炉嘅，同埋你自己叫叉烧嘅时候要做返啱部位😆，但系如果你本身偏好食瘦叉烧嘅话，呢度就冇乜太大特别。