影片
更多
2010-08-16
154 浏览
平记，几十年老店，饮食男女都报道过几次。传说中既竹升面，系师父每朝用碌竹哽足几个钟压成，完全手做全蛋面，比一般机制既更弹牙咽靭，每日限量发售 ~带友人专程去试林记排骨饭，我咁大食一碗饭点够饱，咁啱发现原来平记就系正对面，多年前已经想试吓竹升面系点样，咩咁巴闭架喇，择日不如撞日，就依家叫碗面试佢一试，无做定功课，无去调查吓佢地咩出名，咁是但叫个鱼蛋面啦 ~同位妹妹落单要鱼蛋面走葱，送去林记第一张枱。五分钟后有位口黑面黑既阿姐攞碗鱼蛋米多葱比我，吓？我系叫鱼蛋面走葱架㖞。阿姐黑住面用不满既声线回应话如果真系落错单，仲错得咁离谱，就要炒鱿鱼 ﹗就掉头走左去。哗，依啲咁既服务态度真系要严格地改善啰 ﹗之后另一位四眼阿姐有礼好多，攞碗正确既面比我，但系都无走葱既，唉。。。鱼蛋面，传说中既竹升面，所谓完全手做既全蛋面，唔知系咪刚食左碗林记排骨饭同啲点心，所以饱饱地而影响左我既味觉呢？成世人第一次食竹升面，外观好唔同，系面球而且系面条全部分散，唔似得面饼咁痴埋一旧。但口感无咩特别，只系比一般既全蛋面弹牙，而且蛋味较浓，迟啲要再试多次，试真啲。叫错鱼蛋，原来招牌菜系水饺同云吞，鱼蛋大大粒，味道普通基本
带友人专程去试林记排骨饭，我咁大食一碗饭点够饱，咁啱发现原来平记就系正对面，多年前已经想试吓竹升面系点样，咩咁巴闭架喇，择日不如撞日，就依家叫碗面试佢一试，无做定功课，无去调查吓佢地咩出名，咁是但叫个鱼蛋面啦 ~
同位妹妹落单要鱼蛋面走葱，送去林记第一张枱。五分钟后有位口黑面黑既阿姐攞碗鱼蛋米多葱比我，吓？我系叫鱼蛋面走葱架㖞。阿姐黑住面用不满既声线回应话如果真系落错单，仲错得咁离谱，就要炒鱿鱼 ﹗就掉头走左去。哗，依啲咁既服务态度真系要严格地改善啰 ﹗之后另一位四眼阿姐有礼好多，攞碗正确既面比我，但系都无走葱既，唉。。。
鱼蛋面，传说中既竹升面，所谓完全手做既全蛋面，唔知系咪刚食左碗林记排骨饭同啲点心，所以饱饱地而影响左我既味觉呢？成世人第一次食竹升面，外观好唔同，系面球而且系面条全部分散，唔似得面饼咁痴埋一旧。但口感无咩特别，只系比一般既全蛋面弹牙，而且蛋味较浓，迟啲要再试多次，试真啲。
叫错鱼蛋，原来招牌菜系水饺同云吞，鱼蛋大大粒，味道普通基本，口感弹牙似潮州板鱼蛋，但鱼味较淡。
我最爱食辣，无辣不欢。但依度既辣椒油系带酸味，咁怪既？有啲豆板酱既影子，迟啲真系要黎试多次，一探究竟。汤底清甜，都系足料无味精，但只系暖且接近冻，一啲都唔热，差 ﹗
张贴
