影片
更多
2013-05-07
1484 浏览
星期日同妈妈食母亲节饭,细妺话呢间大排档既生炒排骨好好味,系佢从来未食过咁好味既生炒排骨,叫我地嚟呢度试下,我地有9个大人,两个细路,订左一张大枱,我第一次嚟呢个街市,原来有咁多细细间既舖头,我地去呢间有两间舖,唔算大,得一个厨师,厨师系老细,所以要早D落定单,唔系要等好耐,同埋星期五及六系超旺场既,如果嚟呢度最好系星期日及闲日啦.细妹一早ORDER晒𩠌,我地等齐人好快就有得食啦.先嚟老细自创的冰镇猪手配芥末豉油,都几好味㖞,好特别,猪手唔系好肥,加埋D芥末一齐食好刺激及开胃呀.跟住就系海鲜出场啦,先嚟蒜蓉蒸象拔蚌,哗,好香呀,每人一只,都好大只,同埋好肥美,啖啖肉,唔会好鞋及难咬,好爽口,一咬就断,正呀!!跟住再嚟蒜蓉粉绿蒸扇贝,哗,都好大只架,每人一只,粉绿硬左少少,带子啱啱熟好味呀,唔会好咸,GOOD!!椒盐鲜鱿好好好香呀,切到细细件好易入口,一咬就断好好味呀,个粉唔厚,入面既鱿鱼新鲜,配埋D七彩缤粉既虾片一齐食,真系好好好味呀!!!!!!鱼饼,都系配虾片,虾片令我谂起细个既日子,好怀念呀!! 鱼饼配甜酸酱一齐食,都几好味,入面有些葱的,啖啖肉呀!!肉碎蒸水蛋,好大碟的,热辣辣,
细妹一早ORDER晒𩠌,我地等齐人好快就有得食啦.
先嚟老细自创的冰镇猪手配芥末豉油,都几好味㖞,好特别,猪手唔系好肥,加埋D芥末一齐食好刺激及开胃呀.
跟住就系海鲜出场啦,先嚟蒜蓉蒸象拔蚌,哗,好香呀,每人一只,都好大只,同埋好肥美,啖啖肉,唔会好鞋及难咬,好爽口,一咬就断,正呀!!
跟住再嚟蒜蓉粉绿蒸扇贝,哗,都好大只架,每人一只,粉绿硬左少少,带子啱啱熟好味呀,唔会好咸,GOOD!!
椒盐鲜鱿好好好香呀,切到细细件好易入口,一咬就断好好味呀,个粉唔厚,入面既鱿鱼新鲜,配埋D七彩缤粉既虾片一齐食,真系好好好味呀!!!!!!
鱼饼,都系配虾片,虾片令我谂起细个既日子,好怀念呀!! 鱼饼配甜酸酱一齐食,都几好味,入面有些葱的,啖啖肉呀!!
肉碎蒸水蛋,好大碟的,热辣辣,有好多豉油系面,仲有葱花,D蛋好滑好热好好味道呀,肉碎有少少唔系好多,用嚟送饭一流呀!!
姜葱蒸蚬,呢个蚬系先用水煮熟左先,然后好似蒸鱼咁将姜同葱放系面度,跟住就用熟油及豉油淋上面度,所以D蚬保持住肉质好鲜甜,仲有蚬肉好肥架,好美味㖞,咁样做唔做盖过既D鲜味,保持番蚬既味道.
火辣鸡煲,因妈妈唔食辣,已叫唔辣,但系其实因为鸡煲用太多香料,辣椒先好味,所以都有点辣的,不过好惹味,好香,鸡肉都好滑架,如果系辣既我谂仲正呀.
仲有两个菜,椒丝通菜,通菜都好爽口新鲜,好味,另一个系金银蛋苋菜,好大碟的呀,有好多皮蛋及咸蛋粒,苋菜好鲜甜翠绿,个汤好甜好好味呀,呢个菜VERY GOOD.
我地仲要饮左好几罐忌廉同埋王老吉添呀!!
埋单的价钱实在太吸引啦,好抵食呀!!
张贴
