影片
更多
2015-10-09
281 浏览
师傅大力推介奶皇包，话系进化版爆浆流沙金粒奶皇包！即叫即蒸无得输既出品！系咪真呀？就等我亲身试一试龙与凤。新出炖汤餐劲抵食，盅饭、点心、炖汤只需 $62 乍！流沙金粒奶皇包，唔洗 5 分钟新鲜出炉！师傅千叮万嘱食既时候要小心，因为里面非常之热架。无紧要，我饮开滚油既。师傅再三提醒唔好成只啪呀，一定灼到起水泡又甩皮架。仲有要保持距离慢慢搣开，唔好心急大大力，坚会爆出黎架。我知喇，多谢晒，哈哈。个包皮光肉滑好靓女㖞，揸揸先。热辣辣又非常有弹性，劲有手感，揸到爱不释手，但真系太热，都系要放低一阵先。系时候开包喇，系中间温柔地擘开，即时有野流出黎。劲香奶皇味直冲脑袋，金黄色既岩浆不停涌出，急流一样，围绕著松软既面包。忍唔住一定要即刻咬一口，香甜味美，奶皇味特浓而且幼滑非常，仲有金粒夹杂其中添！咸蛋黄跟奶皇味道一向绝配，一咸一甜、一静一动，撞到精采绝伦！您唔好同我争呀，两只包都系我架，要食自己叫啦！依双玉包非试不可！蒜香鲜虾长春卷，甜完又黎咸过，好耐无食喇，成日都卖晒，师傅话太忙，忙到无时间补货呢，无办法，要食真系要请早，经常 12 点未够已沽清。落足本钱、落重料既春卷点会唔受欢迎，从未食过蒜味
师傅大力推介奶皇包，话系进化版爆浆流沙金粒奶皇包！即叫即蒸无得输既出品！系咪真呀？就等我亲身试一试龙与凤。新出炖汤餐劲抵食，盅饭、点心、炖汤只需 $62 乍！
流沙金粒奶皇包，唔洗 5 分钟新鲜出炉！师傅千叮万嘱食既时候要小心，因为里面非常之热架。无紧要，我饮开滚油既。师傅再三提醒唔好成只啪呀，一定灼到起水泡又甩皮架。仲有要保持距离慢慢搣开，唔好心急大大力，坚会爆出黎架。我知喇，多谢晒，哈哈。
个包皮光肉滑好靓女㖞，揸揸先。热辣辣又非常有弹性，劲有手感，揸到爱不释手，但真系太热，都系要放低一阵先。
系时候开包喇，系中间温柔地擘开，即时有野流出黎。劲香奶皇味直冲脑袋，金黄色既岩浆不停涌出，急流一样，围绕著松软既面包。忍唔住一定要即刻咬一口，香甜味美，奶皇味特浓而且幼滑非常，仲有金粒夹杂其中添！咸蛋黄跟奶皇味道一向绝配，一咸一甜、一静一动，撞到精采绝伦！您唔好同我争呀，两只包都系我架，要食自己叫啦！依双玉包非试不可！
蒜香鲜虾长春卷，甜完又黎咸过，好耐无食喇，成日都卖晒，师傅话太忙，忙到无时间补货呢，无办法，要食真系要请早，经常 12 点未够已沽清。落足本钱、落重料既春卷点会唔受欢迎，从未食过蒜味咁浓又啖啖虾肉既春卷。外层炸得金黄香脆，里面虾肉爽弹鲜，配上喼汁点缀一下，醒胃开胃，拍案叫绝，好好味呀！
𫠒鱼蒸肉饼饭，其实𫠒鱼对身体好有益架，含有丰富的蛋白质、矿物质等，仲可以抗疲劳抗衰老添。淋上大量清香不浊既甜豉油，再捞饭连大大旧𫠒鱼肉饼送入口，好幸福啊！𫠒鱼肉饼又弹又滑，两者味道均浓郁，仲食到粒粒爽口清甜马蹄碎呢。饭粒干爽饱满而有咬口，每粒都沾上自家甜豉油，美味！
淮山杞子螺头炖鸡脚汤，最后以原盅紫砂炖汤写上完美句号。倒出个碗道饮更方便，又可以大大啖咁饮，爽呀！热到出烟既老火炖汤，螺头既精华完全渗入汤汁之中，跟鸡味、瘦肉及淮山杞子混和，真材实料劲香甜！想即刻一滴不漏倒晒落肚呢。饮完全身发滚，够晒补身，正到震！叫返两个外卖汤益吓老友先。
张贴
