影片
更多
2015-06-03
2704 浏览
九龙城既食肆林立，打边炉更是多人说的出色!朋友请食饭，佢话事!!佢话厚褔馆新装修后，可以试下。其实厚褔馆个名一早听过，原来佢有2层，今次我地座系2楼。打边炉必备，梗系配搭好自己的调味料先。透明蓝的玻璃碗较少在打边炉的食肆见到。大家都系放工再会合，坐低梗系叫左餐前小食先啦。「百花酿豆腐」酿左墨鱼滑，炸到啱啱好，旧旧都好脆，点埋个甜酸酱更惹味。「五香牛坑腩」萝卜牛腩超入味，软淋淋，如果多几旧牛腩就好啦。天气热，大家都躁躁地，点左个「菜干润肺汤底」。一上枱，大家急不及待饮碗靓汤先，汤底够火侯，无猪肺既怪味，一饮就饮左人地半煲。「毎日限量顶级牛肉」超正呀!牛肉味浓，就算唔少心渌左左阵，依然嫩滑。牛魔皇必点。「加大拿桶蚝」够肥美，渌完都好大只，够多水。「大鱼头」够鲜，同行有人唔系好食鱼，都唔觉腥。「带子」一般般，个人钟意厚片少少。「自家制虾丸配墨鱼丸」2款都好弹牙，好明显系鲜打，又有虾同墨鱼味，好食!「自制水饺」及「蚝仔牛肉饺」，我钟意后者多d，一来出面无，二来两者既味道好夹，咬开真系会见到蚝仔同牛肉，真材实料。呢度既自家制丸同饺整体质素都好好，可以叫多d。冬瓜、粟米夏天打边炉必备，消暑又清甜
九龙城既食肆林立，打边炉更是多人说的出色!朋友请食饭，佢话事!!佢话厚褔馆新装修后，可以试下。
其实厚褔馆个名一早听过，原来佢有2层，今次我地座系2楼。
打边炉必备，梗系配搭好自己的调味料先。透明蓝的玻璃碗较少在打边炉的食肆见到。
大家都系放工再会合，坐低梗系叫左餐前小食先啦。「百花酿豆腐」酿左墨鱼滑，炸到啱啱好，旧旧都好脆，点埋个甜酸酱更惹味。
「五香牛坑腩」萝卜牛腩超入味，软淋淋，如果多几旧牛腩就好啦。
天气热，大家都躁躁地，点左个「菜干润肺汤底」。一上枱，大家急不及待饮碗靓汤先，汤底够火侯，无猪肺既怪味，一饮就饮左人地半煲。
「毎日限量顶级牛肉」超正呀!牛肉味浓，就算唔少心渌左左阵，依然嫩滑。牛魔皇必点。
「加大拿桶蚝」够肥美，渌完都好大只，够多水。「大鱼头」够鲜，同行有人唔系好食鱼，都唔觉腥。
「带子」一般般，个人钟意厚片少少。
「自家制虾丸配墨鱼丸」2款都好弹牙，好明显系鲜打，又有虾同墨鱼味，好食!「自制水饺」及「蚝仔牛肉饺」，我钟意后者多d，一来出面无，二来两者既味道好夹，咬开真系会见到蚝仔同牛肉，真材实料。
呢度既自家制丸同饺整体质素都好好，可以叫多d。
冬瓜、粟米夏天打边炉必备，消暑又清甜。响铃虽唔系即炸，但都松脆，索晒个汤，唔错。
其实打边炉之余，我地都有叫到个「刺身拼盘」，有三文鱼，带子、北寄背同象拔蚌，刺身都新鲜，象拔蚌最爽脆。今餐最出色系碟牛肉同埋d自制丸同饺，如果来呢度打边炉记住要点。
张贴
