亞參雞飯 (德福廣場1期)

营业中

休息中

Emmm.. 海南鸡饭88蚊呢个价位系抗疫时期都企得几硬下。如果88蚊性价比黎讲，个饭有啲贵。虽然餐厅有少少南洋风装修。餐厅除左海南鸡饭外都有啲喇沙嘅选择，但叫完海南鸡会即上（因为可以整定），但见隔离枱海南鸡饭食完喇沙都未到就有啲老尴。好！海南鸡饭！惊起嘅系个冬瓜鸡汁汤饮落去系热到辣口嘅鸡就去骨三黄鸡，油脂充足（减肥中既朋友就去皮叫白饭唔好点汁啊），鸡肉唔会鞋同唔干，正常发挥。我就比较好奇佢海南鸡饭酱系咩环境，姜蓉沟左啲沙姜；辣汁有食辣生虾感觉；豉油酱我不嬲麻麻，只食到甜味，无咩点过～到个鸡油饭，其实有啲失望，一黎唔够热又松散，可以我孤陋寡闻，佢够水份嘅，唔烂嘅，但如果可以团结到少少就好了～（定南洋啲米都系咁，而我唔识）饭量黎讲，男仔就未必够喉，所以⋯我忍唔住叫左小食。本身都只系想叫咖央多士，22蚊。 但做紧优惠，38蚊两款小食，好喇，叫埋个猪肉串。咖央多士 邪恶嘅选择个多士够脆嘅，如果有啲热力就好噜🥺🥺🥺牛油就好细块置中，所以切完见到啲又见唔到啲，咖央酱正常发挥。下午茶可以点呢个！猪肉串（感觉似油炸的）偏甜，点沙茶酱更油更漏⋯好彩有青瓜清爽一下。完。