傷心酸辣粉 (西洋菜南街) (已結業)

Lonely lonely Christmas...好伤心，两个麻甩佬平安夜，寂寞难奈咁行吓街，好伤心咁入咗依间酸辣连锁小店！唉，我都话对连锁冇乜好感㗎啦！既然天气冻，明知唔好食，但都第一次试吓啦！我哋叫咗个《精选二人套餐》，当中有《皇牌口水鸡》，《猪骨汤面》，《伤心酸辣粉》，《卤水拼盆》，《红油蒜茸青瓜》。因为我唔喺好食得辣，所以大部分都小辣。先讲口水鸡，虽然唔喺咩鸡味十足，但唔算好肥，冇乜肉！但辣椒油都味道都算十足，都辣得几过瘾，但香味唔够！倒返转头讲个辣字，就唔算好特别！《猪骨汤面》真喺差咗啲，中式做法，唔觉有猪骨味，酸味都淡，面底唔弹牙，冇咩好特别嘅味道，好一般！《卤水拼盆》一上枱就好失望，份量太少，唔大件，味道又唔够！牛肚切得咁薄，本来喺爽口弹牙嘅事，搅到不知谓。不过咁讲，138 蚊嘅套餐，又唔应该期望得咁高！《红油蒜茸青瓜》喺做得比较好食，因为食到青瓜嘅鲜甜味同好重嘅蒜香味！咬落索索声，都几好味！因为冇食《伤心酸辣粉》，所以唔写！总体嚟讲，喺咪好唔好食呢？又唔算好特别，只喺一般般！因为个猪骨汤改咗黄面底，加咗10蚊，都唔抵，总共 148蚊，一般啰！