影片
更多
2023-11-11
19 浏览
听日唔使返工，即刻大嗌TGIF，梗系揾个地方Hea下叹下。 知道观塘有间新开嘅咖啡研究所，今日就去试。Handdrip Coffee $88之前读过咖啡课程，对咖啡有极大好奇心，于是同Barista 倾起上嚟，当然要饮手冲咖啡，今日有 Sidra 豆，正㖞，因为Sidra品种曾经喺2022年获得WBC 世界冠军，虽然唔系出自同一个庄园，点都要品尝下。豆出自哥伦比亚、用双重厌氧法处理、中浅烘焙、1:15粉水比、94度水温，barista 磨豆个阵已经香喷喷，心里暗喜，真系冇拣错，细心到仲跟埋2款杯，whisky 杯口比较窄系帮助客人加强闻入咖啡香气，而阔口杯则令你饮到酸甜嘅fruity 味道，入口真心觉得有复杂度同埋层次，头段热饮酸度足够，带士多啤梨、蜜桃风味，中段温饮亦夹杂一点红酒香，尾段室温就有朱古力味包底，口感非常之丰富。Orange Black $48意大利人教落「奶啡」只系朝早当早餐咁饮，所以我地拣咗橙汁咖啡，barista 话今日个base 系用左 Kenya single origin (日晒处理)，带有黑莓同芒果风味，饮落口同橙味十分匹配，令到冻咖啡都带复杂度，清新又开胃
Handdrip Coffee $88
之前读过咖啡课程，对咖啡有极大好奇心，于是同Barista 倾起上嚟，当然要饮手冲咖啡，今日有 Sidra 豆，正㖞，因为Sidra品种曾经喺2022年获得WBC 世界冠军，虽然唔系出自同一个庄园，点都要品尝下。豆出自哥伦比亚、用双重厌氧法处理、中浅烘焙、1:15粉水比、94度水温，barista 磨豆个阵已经香喷喷，心里暗喜，真系冇拣错，细心到仲跟埋2款杯，whisky 杯口比较窄系帮助客人加强闻入咖啡香气，而阔口杯则令你饮到酸甜嘅fruity 味道，入口真心觉得有复杂度同埋层次，头段热饮酸度足够，带士多啤梨、蜜桃风味，中段温饮亦夹杂一点红酒香，尾段室温就有朱古力味包底，口感非常之丰富。
Orange Black $48
意大利人教落「奶啡」只系朝早当早餐咁饮，所以我地拣咗橙汁咖啡，barista 话今日个base 系用左 Kenya single origin (日晒处理)，带有黑莓同芒果风味，饮落口同橙味十分匹配，令到冻咖啡都带复杂度，清新又开胃，咖啡师果然有心得。
菠菜忌廉烟三文鱼烩意大利饭 $108
店员够细心，问我地是否接受意大利正宗Risotto? 我地ok 呀，米身有啲啲硬系正常，个cream sauce 好好味，间唔中饮一啖orange black 口腔即时爽返晒，又可以再食。
半边春鸡拼烤猪肋骨 $148
份量好大，而家好少餐厅咁阔佬，热辣辣好好味，鸡嫩滑，而猪肋骨个汁酱好惹味，薯条脆卜卜就不在话下。
临走前同barista 倾两句，佢话11月有限定优惠，逢星期六日$158可以90分钟内任饮手冲咖啡，我都谂住下次再嚟。
张贴
