影片
更多
2010-10-29
23 浏览
一年前知道有呢间小店出现，「哈日」嘅我一直好想到来试下，可惜久而久之，慢慢将佢推到Wish List较后位置。最近友人突然提起，的起心肝到来朝圣一下，谁不知「相逢恨晚」呢句咁老套嘅说话又再出现，人生在世三十几年，估唔到竟然在此刻食到如此令我感动嘅面包，纵使小店位置较偏僻，而且路途甚斜，但果种一步一步走向幸福嘅感觉，值得跟大家一齐分享... 小店Bo-lo'gne位置近荷李活道已婚警察宿舍，如果识得去胜香园嘅朋友，沿著果条斜路一路直上就见到，虽然呢条斜路行完可能几辛苦，或者正可以为大家个胃作好准备...Bo-lo'gne门外甚有日本住宅区内嘅咖啡小屋Feel，而鲜艳颜色嘅外墙加上旁边的楼梯，望落相当舒服。内里地方好细，只有十多个座位，假日必先预留座位。旁边开放式厨房内，日籍老板努力一边为客人准备美食，一边会望出来跟大家报以微笑，好一个温馨又休闲嘅地方。简单又精美餐牌上，除左著名嘅丹麦面包做嘅三文治多士外，亦提供日本人最爱嘅意大利粉及日式咖喱饭，选择上的确好适合花心嘅香港人。 Napoleon意大利粉套餐($70) - 整体卖相讨好，酸酸嘅拿破仑意粉虽然份量唔多，但有一块烘丹麦多士陪伴，加
小店Bo-lo'gne位置近荷李活道已婚警察宿舍，如果识得去胜香园嘅朋友，沿著果条斜路一路直上就见到，虽然呢条斜路行完可能几辛苦，或者正可以为大家个胃作好准备...Bo-lo'gne门外甚有日本住宅区内嘅咖啡小屋Feel，而鲜艳颜色嘅外墙加上旁边的楼梯，望落相当舒服。内里地方好细，只有十多个座位，假日必先预留座位。旁边开放式厨房内，日籍老板努力一边为客人准备美食，一边会望出来跟大家报以微笑，好一个温馨又休闲嘅地方。
简单又精美餐牌上，除左著名嘅丹麦面包做嘅三文治多士外，亦提供日本人最爱嘅意大利粉及日式咖喱饭，选择上的确好适合花心嘅香港人。
Napoleon意大利粉套餐($70) - 整体卖相讨好，酸酸嘅拿破仑意粉虽然份量唔多，但有一块烘丹麦多士陪伴，加上半个奇异果，令人觉得丰足，假如换上营养价值更高嘅奇异金果当然更完美。Napoleon意大利粉属日本式，除左少少火腿片之外，其余都系蕃茄，青椒同蘑菇，酱汁略酸，未必适合每一位客人，面身亦唔算Al Dente，整体味道不过不失。另外仲有明太子同Carbonara意粉作选择，但主角始终都系果块面包，实在太抢眼喇！呢度嘅丹麦面包来自日本京都，标榜包身折后有81层之多，所以入口特别松软。事实真系如此，烘焗后外层酥脆，内里异常松软，牛油香味十足，非常非常好食。坦白讲，我真系在香港未食过咁好食嘅面包，如果大家知道有更出色嘅丹麦面包，请告知本人！
博洛尼亚吉列猪扒三文治($70) - 先讲猪扒部份，炸浆较多，而猪扒亦唔系优质材料，纵使唔算肥腻，相比之下，银座梅林果份黑豚肉猪扒的确较为出色。但三文治面包方面，博洛尼亚小店绝对轻松取胜，几乎系无敌手可言，甚至将平平无奇嘅猪扒都可以变得好味起黎，Amazing！
日式碎蛋三文治($47）- 碎蛋部份做得相当讨好，蛋粒跟沙律酱味道好协调，再加上超高质素面包再一次成功抢镜，好味程度自然爆晒灯！
香蕉焦糖多士($65) - 以前从来无谂过，香蕉跟面包片两样平平无奇嘅食材，到底可以擦出咩火花，呢度加上焦糖后，有如月老将两者结合，实在食得令人感动万分。焦糖唔系稠密浓郁，甜度刚好，而香蕉就甜得自然，甜味渗入层层酥脆嘅面包中，食落既有层次感又满足，实在令我大开眼戒。下次到来，必要试一下呢度加上雪糕嘅多士，我有信心系另一个赞不绝口嘅美食！
如果食完丹麦面包意犹未尽的话，呢度可以俾大家外卖拎走。同时亦有果酱同丹麦酥条出售，感觉有如一间小小日本面包店一样。大家就算唔系亲身到来，亦可以到佢地嘅网页订购。价钱上虽然真系几贵，但嫌我浮夸都要讲一次，呢度卖嘅系全城最强最好味嘅丹麦面包，所以呢个价钱绝对值得！
张贴
