影片
更多
2018-08-30
1953 浏览
当远赴筑地都未百分百保证新鲜，留港试定价不菲既Omakase其实同一场赌博冇分别。 今晚适逢好友升职既大好日子，终于放胆地献出我既第一次。厨师发办分为翔、葵同樱三款 ($780 - $1,280)，包括前菜、佐酒小食、寿司、卷物、季节热盘、清汤同甜品等，另有晚市套餐 ($600)、今日特选 ($380 - $600)同各式散叫既选项，丰俭由人。 见厨师发办既组合大致上一样，于是决定叫入门级既「樱」($780)小试牛刀。一直知道Omakase内既寿司款式会因应当日食材质素同客人要求有所变化，所以店员问到我喜好时，我都老实不客气地表明我因为怕腥而好少食透明鱼，再三确认我接受到白身鱼生后，店员就帮我反映尽量避开浓味鱼类，感觉好贴心。 本来想确认当晚套餐内既款式方便再散叫寿司，但原来店员都只可以讲到大致款式，大概厨师发办好大部分既魅力就系上菜时既惊喜同新奇吧。甫入座店员就好慇勤地为客人倒酱油同送上热茶、热毛巾，留意到前方放左一细块冰冻既白布，查问下先知系俾客人食完寿司后抹手指之用。 虽然我唔习惯落手食，都可以由细节睇到其专注认真。前菜呈花叶型既精致小碟内分别有水果蕃茄、水云渍同白身鱼南蛮渍，全
厨师发办分为翔、葵同樱三款 ($780 - $1,280)，包括前菜、佐酒小食、寿司、卷物、季节热盘、清汤同甜品等，另有晚市套餐 ($600)、今日特选 ($380 - $600)同各式散叫既选项，丰俭由人。 见厨师发办既组合大致上一样，于是决定叫入门级既「樱」($780)小试牛刀。
一直知道Omakase内既寿司款式会因应当日食材质素同客人要求有所变化，所以店员问到我喜好时，我都老实不客气地表明我因为怕腥而好少食透明鱼，再三确认我接受到白身鱼生后，店员就帮我反映尽量避开浓味鱼类，感觉好贴心。 本来想确认当晚套餐内既款式方便再散叫寿司，但原来店员都只可以讲到大致款式，大概厨师发办好大部分既魅力就系上菜时既惊喜同新奇吧。
甫入座店员就好慇勤地为客人倒酱油同送上热茶、热毛巾，留意到前方放左一细块冰冻既白布，查问下先知系俾客人食完寿司后抹手指之用。 虽然我唔习惯落手食，都可以由细节睇到其专注认真。
前菜
41 浏览
0 赞好
0 留言
前菜
呈花叶型既精致小碟内分别有水果蕃茄、水云渍同白身鱼南蛮渍，全部都色彩缤纷、酸甜开胃。 最钟意滑溜爽口既水云渍，日本发菜同青瓜片十分清新。
寿司
鲂𫚒
45 浏览
0 赞好
0 留言
虽然厨师送上寿司时会稍作讲解，但「鲂𫚒」呢个名陌生到听左几次都呆一呆。 忍唔住即场揾下相关资料，原来「此类鱼在水中游动时，牠们的胸鳍一开一合就像鸟的翅膀在飞行一样；鲂𫚒的叫声有时像猪叫，有时像呻吟，有时像鼾声」，未食已经有种不枉此行既感觉。
鲂𫚒
31 浏览
0 赞好
0 留言
白里透红既鲂𫚒肉质软腍，打破左我对透明鱼等于爽脆既呆板印象。 鲂𫚒鱼味较淡，配上葱花同咸酱汁后透出淡淡既鲜味。
金目鲷
28 浏览
0 赞好
0 留言
晶莹剔透既金目鲷油脂较重，亦较扎实，感觉同三文鱼既肉质同甘香有d相似。
平政透明连鱼皮既外貌正正系我一直抗拒既类型，但前两款鱼既鲜度无疑令我对师傅充满信心，鼓起勇气一啖啪入口后又系一个新世界。
平政
31 浏览
0 赞好
0 留言
属油甘鱼科既平政除左明显比鲂𫚒同金目鲷爽口弹牙外，鱼味亦较为甘香浓郁。 师傅只轻轻系鱼身表面划开几刀，然后滴上少量酱油，冇其他多余调味或配料，单单系平政紧致幼滑既口感已经令人难忘。 每款鱼都色泽鲜明、折射出水润既光泽，连一丝腥味都冇，简直有种刚刚捕获既错觉。
23 浏览
0 赞好
0 留言
不得不赞作为寿司伴碟既渍物亦十分高质，子姜、牛蒡同腌萝卜爽脆多汁，食得出系自家制，配合热茶系下一道前先清清味蕾。
牡丹虾
34 浏览
0 赞好
0 留言
牡丹虾如预期般爽口肥美，由于较常见，所以未有太大惊喜。
石垣贝
23 浏览
0 赞好
0 留言
系日本食最爱既贝类寿司，最期待既一定系上台时仲郁郁下既画面。 毫无悬念地师傅再次满足左我既幻想，石垣贝缓缓地系寿司饭上蠕动挣扎。 紧接由夹起至放入口既视觉刺激，大块厚实而爽脆到索索声既口感再次令我惊为天人。 呢个尺寸同厚度既贝类实属少见，虽然只有清淡既贝壳甘甜，但胜在肥美啖啖肉。
石垣贝
29 浏览
0 赞好
0 留言
赤贝
21 浏览
0 赞好
0 留言
肥大肉厚既赤贝再一次带来惊喜，老实讲比我系九洲居酒屋食到既更加新鲜巨型。 师傅切法亦有巧思够吸睛，厚实既横切面未食已经预视到有几满足。 比起清新既石垣贝，赤贝明显有更浓郁既海水味同典型贝壳鲜味，加埋即磨芥辣，完美。
海胆
23 浏览
0 赞好
0 留言
海胆
29 浏览
0 赞好
0 留言
偏橙红既海胆用料毫不手软，叠起后同饭既比例接近一比一。 入口感觉到满满软滑甘香既海胆系微脆香口既紫菜之间翻滚。 由于够新鲜，所以即使味道浓烈，留下既余味都完全唔腥，成功征服到偏好清甜品种既我。 值得一赞既系师傅会即场用炭炉烘一烘紫菜，令军舰同手卷既品质保持最佳状态。
海胆
17 浏览
0 赞好
0 留言
本来担心海胆既余韵会令下一道比下去，意外地白晢透亮既深海池鱼结实有弹性，鱼味重得黎恰恰仲系我可接受程度之内。
深海池鱼
50 浏览
0 赞好
0 留言
深海池鱼
31 浏览
0 赞好
0 留言
三文鱼子粒粒分明，夹起时甚至微微系寿司饭上滚动。 轻轻咬破三文鱼子时清晰感觉到表面张力同回弹，十分过瘾。 由于腌制保鲜所以较咸，但够哂新鲜完全唔腥。
三文鱼子
13 浏览
0 赞好
0 留言
三文鱼子
27 浏览
0 赞好
0 留言
拖罗油脂分布好靓，近睇甚至有少少似猪腩肉。 咀嚼下一阵阵油香盈满口腔，配合赤醋饭完全唔会腻，只觉齿颊留香、意犹未尽。
拖罗
20 浏览
0 赞好
0 留言
拖罗
14 浏览
0 赞好
0 留言
卷物
拖罗手卷
17 浏览
0 赞好
0 留言
拖罗手卷虽然只有拖罗蓉，但每一啖都平均地有拖罗、芝麻、葱花、赤醋饭，口感丰富，紫菜亦好够脆。
季节热盘
面豉煮牛舌
19 浏览
0 赞好
0 留言
面豉煮牛舌
18 浏览
0 赞好
0 留言
向来觉得牛舌既最高境界就系厚切、爽口，第一次食到炆到软腍入味既面豉煮牛舌，合埋眼会以为自己食紧牛腩，好有新鲜感。 牛舌调味恰到好处，仲有少少清酒香味。
清汤
蚬面豉汤
15 浏览
0 赞好
0 留言
蚬面豉汤热辣辣，饮得出系以面豉酱同海鲜熬煮而成，蚬肉都好有肉汁够鲜。
甜品
甜品
12 浏览
0 赞好
0 留言
完熟蜜瓜晶莹剔透，轻轻一压口腔就盈满香醇甜蜜既果液，最难得系熟度岩岩好，甜到爆又依然保持到弹性。 最近同事自北海道归来就对当地特产白粟米津津乐道，当我都心痒痒之时估唔到甜品正正有一片北海道白粟米，特别令人兴奋期待。
甜品
10 浏览
0 赞好
0 留言
单睇横切面已经可见白粟米有几新鲜水润，入口同预期一样咁爽脆清甜。 当然甜度就未及蜜瓜，但试到新食材既惊喜已经够我开心成晚。
白身鱼、贝类、虾、红肉既次序令我得以由淡到浓享受食材原味，上甜品前更加特意将绿茶换成培茶解腻，上菜速度亦控制得恰到好处，即使外行如我今晚都感受到正宗Omakase既气场。
不得不赞店员全程服务周到，每一道之间都会主动为我添热茶，亦不时细心地问我当晚既选材岩唔岩口味，有需要可即时代为向师傅反映。 由于厨师发办同唔少鱼品种对我黎讲都几陌生，全晚可以话系每事问。 最深印象系师傅同店员面对我奇怪既发问都好乐意仔细地讲解，除左可见佢地对出品既了解同自信之外，最重要系态度好亲切友善，店员同客人之间充满自然熟悉既互动交流。
今晚安坐寿司吧台前，呷一口热茶、凝视师傅有条不紊地片开刺身、握饭，弹指间就送上一道道叹为观止既佳肴，可谓人生乐事。 无可挑剔既食材鲜度同烹调手法就不在话下，其实单系眼前师傅行云流水既手艺已经有如观赏左一场艺术表演。 即使(朋友)倾尽家财在此用餐亦只觉回味无穷而不觉奢侈，下次黎坐师傅正前方欣赏就完美喇。
张贴
