Noc Noc

营业中

休息中

今日同女朋友去大埔食dinner, 又唔想去充满tg 既大埔中心，就去左近太和既呢间NOC NOC 酒吧。间餐厅入面好有情调，枱面有蜡蠋，餐厅周围d 灯都几靓。咁我地今日就叫左一个主食同一个小食拼盘。先黎个小食拼盘，叫摩天轮！佢系真系一个摩天轮咁既样，可以转既，几过瘾可以转住黎食。不过转既时候请保持克制，因为d 炸物都放得几满，我转得太激烈差d 跌左d 薯条出黎😂摩天轮有炸鱿鱼、炸芝士条、薯条、鸡肉条同埋沙律。特别留意个芝士条，要及早食，因为佢仲热既时候d 芝士可以拉到好长！ 小食拼盘仲配左三个酱，有蜜糖芥末、芝麻酱、芝士酱。我地仲叫左个德国咸猪手，好香，d 皮系脆卜卜既，仲要上枱既时候已经切好左，推荐！话到明酒吧，就当然有酒饮，不过我地唔饮酒既😂 但我数过，餐牌有成9页既酒，你想饮咩酒都有🤡同埋呢到仲有得睇波，掟飞镖，不错。