屋子 (已結業)

早几日同朋友去咗将军澳屋子倾计💬因为大部分人对佢嘅评价都好正面，所以我bookmark咗屋子好耐！呢度平日唔算多人，环境亦好舒适。一个定食连加1百几蚊左右，唔算太平，但食物质素就几好！我哋叫咗寿喜烧牛肉定食，同埋牛肉柚子沙律乌冬，佢嘅份量都几多，尤其系d牛肉，估唔到会有咁多！以我一个男士嚟讲，都好够饱！好多女仔会选择坐系出面嘅和式餐枱度打卡，而且仲会叫佢最出名嘅戚风蛋糕🍰嚟食。有机会我都会想同女朋友嚟试吓！