咖啡綠茶 (已結業)

因为要同一班朋友倾嘢，想揾个地方可以用电脑，又可以坐耐啲，有其中一位朋友就介绍咗呢一间Cafe，话之前嚟过嘢饮唔错，价钱唔算太贵，而且又可以坐好耐。餐厅坐立既大厦离地铁站好近，好方便就到，不过个栋大厦就无关于呢间Cafe既任何广告，所以唔系有人介绍，真系唔知有呢间餐厅系度。一入到去已经觉得好文青，全部装修都系走木系路线，俾人感觉好舒服。我地坐既四人位仲可以有两个插头位用，要用电脑倾好耐嘢都无问题！见到枱面有一个餐牌系一个日式五品料理，好似某餐厅既款式，有得分别拣冷盘同热食，我就分别拣咗热食：烤鲭鱼+ 豆腐鸡肉汉堡；冷盘：烟三文鱼薯仔沙津+北海道温泉蛋+蔬菜蛋批，全部既味道都唔错，最钟意系蔬菜蛋批，而温泉蛋就咁沟饭食都好好味，而其他几样菜式都十分唔错。会配一碗红米饭呢个餐可以另外半价加嘢饮，我自己就加咗$2X叫咗个香蕉鲜奶，呢杯个味道真系好香，渣又唔会太多，奶加香蕉啱岩好！朋友再另外叫咗个鸡软骨，都好好食！