Plato Cafe & Bistro (彌敦道) (已結業)

因为有帮衬开旧Plato, 见佢开左分店所以黎支持下。除左dinner set menu之外仲有可以食小食or意粉饭既menu。选择有好多，除左扒，羊架个d平时set dinner会见到既野仲有English Breakfast，fish and chips呢d英式食物！好喜欢！咁岩今日见到个德国猪手special所以叫黎试下。个猪手好正！黎个阵已经觉得好香。个皮好脆，d肉好厚又好嫩，入面仲有好多肥肥个d。同好多餐厅一样，骨同肉系分开既，所以食起上黎好方便。不过正如朋友所讲，见到德国猪手就会想配酸菜薯仔，但呢度系配沙律，所以有d搞笑。不过整体黎讲都几好食！$198set唔贵。因为个fd唔算好饿，所以只系叫左个意粉。个蒜片意粉意外地好好味！就咁叫就$98，加多$30到就可以转餐。d蒜片好香好有咬口！加埋d用香草处理过既意粉同菜，成个菜都好配合！清新既感觉用黎配猪手食就岩岩好啦！叫左杯milk shake，唔算好甜，最正系上面有d cream! oero既份量都几足！