影片
更多
2017-12-08
3007 浏览
十一月又有朋友生日，是次照旧选择泰国菜，几乎个个都啱食。观塘嘅泰国菜都差唔多食匀晒，所以今次行远少少嚟到牛头角Lemon Grass试试佢，但系食物嘅质素就较为参差喇。叫咗一个四人套餐再额外加几个主菜。先嚟饮品龙眼冰，椰汁冰，青柠梳打，除咗友人嘅青柠梳打外，其他全部都好甜，系甜得过份，饮落去直程有种灼喉嘅感觉，龙眼应有嘅清甜亦被糖浆完全掩盖晒。虽然泰国饮品以甜见称，但建议餐厅可以调整一下糖浆份量，否则呢几款饮品都唔讨人喜欢。蒜蓉包就令我失望，一上菜见到系多士就已经心知不妙，仲要系厚多士，口感自然欠奉，而且好干，中间几乎系白面包嘅状态，咁厚嘅一块多士，面层嘅蒜蓉根本带唔到入去，食蒜蓉包紧系想食法包个种松化，面包密度无咁多先可以经热力将蒜蓉渗入包嘅每一个角落，选择厚多士系不折不扣嘅败笔。更重要嘅系，我估计佢地都系用现成蒜蓉酱，所以基本上我完全闻唔到蒜蓉同牛油香。生菜包就唔错，辣度刚刚好，加入香草去却了猪肉嘅臭骚味，猪肉粒粒分明。份量都唔算少，七个人食每人都分到一至两次。榴梿Pizza还可以，面层嘅榴梿酱加入少少香料后更能突显榴梿嘅甜味；所谓Pizza即是薄脆，咁样比起传统Pizza反而唔会
叫咗一个四人套餐再额外加几个主菜。先嚟饮品龙眼冰，椰汁冰，青柠梳打，除咗友人嘅青柠梳打外，其他全部都好甜，系甜得过份，饮落去直程有种灼喉嘅感觉，龙眼应有嘅清甜亦被糖浆完全掩盖晒。虽然泰国饮品以甜见称，但建议餐厅可以调整一下糖浆份量，否则呢几款饮品都唔讨人喜欢。
蒜蓉包就令我失望，一上菜见到系多士就已经心知不妙，仲要系厚多士，口感自然欠奉，而且好干，中间几乎系白面包嘅状态，咁厚嘅一块多士，面层嘅蒜蓉根本带唔到入去，食蒜蓉包紧系想食法包个种松化，面包密度无咁多先可以经热力将蒜蓉渗入包嘅每一个角落，选择厚多士系不折不扣嘅败笔。更重要嘅系，我估计佢地都系用现成蒜蓉酱，所以基本上我完全闻唔到蒜蓉同牛油香。
生菜包就唔错，辣度刚刚好，加入香草去却了猪肉嘅臭骚味，猪肉粒粒分明。份量都唔算少，七个人食每人都分到一至两次。
榴梿Pizza还可以，面层嘅榴梿酱加入少少香料后更能突显榴梿嘅甜味；所谓Pizza即是薄脆，咁样比起传统Pizza反而唔会太heavy。
冬荫公好足料，都有大约有四至五只虾，而且草姑份量都好多，香料味重，做到冬荫公应有嘅浓度。
串烧都系正路嘢，由于我无食到就不作评论。
猪颈肉都系正路嘢，猪颈肉都几难整得唔好食，每片厚度都平均，唔会烤到变柴皮。
金边粉都系正路嘢，够湿，但系又唔会炒到变咗一Pat Pat。
鸡都系正路嘢，鸡肉嫩滑，但系个配送嘅汁酱就完全分辨唔到佢系咩嚟，似鱼露非鱼露，似豉油又欠却豆香，即使点咗唔会带起鸡嘅鲜味，只系会觉得「咦，咸咗嘅？」仅此。
乌头我认为系今餐最好食嘅主菜，餐厅有轻轻用盐擦过鱼肉，所以好够咸香，而且鱼肉尚算嫩滑，夹起上嚟又唔会散修修。
我会讲话呢间嘢嘅主菜正路嘢居多，但只系仅止于此，暂时未见有任何一款𩠌菜真系令我好食到哗一声，而且小食同饮品真系令我大为失望了，所以短期之内都唔会有下次了。
张贴
