影片
更多
2017-07-18
794 浏览
一早睇过好多关于呢间餐厅嘅好评，亦喺唔同平台见过佢地嘅招牌高踭鞋甜品，只系都知道喺度食晚饭价值不菲，所以留待特别日子先有机会到访。周日男朋友一早预约好位置，参考过前面嘅食评，我地选择左较早嘅时间，加上唔系住呢区，回家之路远著呢，准时6点钟入座。餐厅嘅装潢配合名字，由门面开始都已经好有「公主」感觉，以白色、粉色为主调，碎花枱布、壁画、以花为题嘅天花布置等，都足以令我甫坐下就狂影相。加上天未黑前，窗外嘅自然光，影相会好靓到入黑后，又增添一份情调。睇番餐厅嘅午市、下午茶tea set定价都唔算好贵㖞，尤其tea set，虽然未试过，但睇相都几靓。本来以我地来得早，估唔到陆续都有唔少客入入座，而有大部分都系庆祝生日，无可否认，呢度确系好适合带女伴前来。晚市供应套餐，包括沙律、前菜、餐汤、是日雪葩、主菜、甜品、饮品，定价视乎主菜，当日所见就有明太子汁意大利粉 ($498)、香煎深海驴鱼 ($538)、慢煮羊架 ($568)、M9和牛 ($658)，此外亦有8/10/12 course嘅餐单，定价 $780/880/988，选择富弹性，亦都方便一班同我一样有选择困难症嘅客人，因为餐单系包含著店家嘅
餐厅嘅装潢配合名字，由门面开始都已经好有「公主」感觉，以白色、粉色为主调，碎花枱布、壁画、以花为题嘅天花布置等，都足以令我甫坐下就狂影相。加上天未黑前，窗外嘅自然光，影相会好靓到入黑后，又增添一份情调。睇番餐厅嘅午市、下午茶tea set定价都唔算好贵㖞，尤其tea set，虽然未试过，但睇相都几靓。本来以我地来得早，估唔到陆续都有唔少客入入座，而有大部分都系庆祝生日，无可否认，呢度确系好适合带女伴前来。
晚市供应套餐，包括沙律、前菜、餐汤、是日雪葩、主菜、甜品、饮品，定价视乎主菜，当日所见就有明太子汁意大利粉 ($498)、香煎深海驴鱼 ($538)、慢煮羊架 ($568)、M9和牛 ($658)，此外亦有8/10/12 course嘅餐单，定价 $780/880/988，选择富弹性，亦都方便一班同我一样有选择困难症嘅客人，因为餐单系包含著店家嘅招牌菜式，份量唔会太多，但足以饱腹之余，试多几款。
因为第一次黎，都唔知食啲乜好，所以我地都听从店员嘅提议点左一份8道菜晚餐($780)、一份晚市套餐($538)，咁样可以一次过试到好多款食物呢。值得一提系，店员都相当专业，将菜式都介绍得好清楚点菜后，我地都试左几款餐厅嘅曲奇，门面可以见到佢地嘅饼房，蛋糕、曲奇都好吸引。曲奇全人手制作，以低温烘焙，而且强调低脂、低糖，食得健康。而且味道都好多选择，有花茶、坚果系列、咸味曲奇、辣味曲奇等。
咸食曲奇更加系我地第一次食，原来味道咁特别，当中以蟹肉、西班牙火腿最为突出至于花茶系列，以圆肉杞子味道较清香，后续强粉红玫瑰难免有种精油感。开心果仁、抹茶味道未见突出，咖啡合桃咖啡味香浓，而且有少少口感。朱古力甜度唔高，适合健康但又为食嘅朋友。提子燕麦则系一般曲奇味。
圆肉杞子、粉红玫瑰、蟹肉、西班牙火腿曲奇
8 浏览
0 赞好
0 留言
抹茶、朱古力、提子燕麦曲奇
11 浏览
0 赞好
0 留言
餐厅有大部分小碟、杯子都系好靓，但主菜用上碟嘅则比较普通，不过摆盘都相当精致。
芦荀藜麦沙律：
而家好多餐厅都用上藜麦加入馔，够健康嘛，加上爽口芦荀，几开胃呢。
芦荀藜麦沙律
9 浏览
0 赞好
0 留言
椰菜花沙律、九层塔油：
用上以浸、煎、切片晒干三种煮法嘅椰菜花制成沙律，展现同一种食材不同形态，当中以晒干嘅最特别。
椰菜花沙律、九层塔油
8 浏览
0 赞好
0 留言
餐包：
竹炭、麦包，配上醋，新鲜香脆。店员仲一并附上抹手纸（好似平时用嘅面膜纸般，方便卫生。
餐包
8 浏览
0 赞好
0 留言
摆盘精美嘅前菜，有蛋沙律配黑鱼子挞，挞皮薄脆，鱼子酱咸香，而且鱼油丰富。
牛油果青柠米饼，食落酸酸甜甜，米饼脆口。
吞拿鱼蓉配墨西哥脆片，鱼蓉味道唔强烈，但鱼籽咸香，鲜味十足。
烟吞拿鱼冇筋冇渣，炒黑白芝麻香增添口感，加上淡淡嘅牛油果蓉混合芥茉，味道唔会呛。
9 浏览
0 赞好
0 留言
三文鱼他他雪糕筒：
杯中放有贝壳，模彷沙滩造型，三文鱼他他雪糕筒的的色色，好靓。相机食先一流，味道中规中矩，值得一赞雪糕筒够脆口！
三文鱼他他雪糕筒
11 浏览
0 赞好
0 留言
龙虾浓汤：龙虾汤质地稀身，呈微暖状，味道香浓但唔会觉得咸，美中不足冇龙虾肉（因为我见单点要$168呢）
龙虾浓汤
1 浏览
0 赞好
0 留言
磨菇忌廉汤：
磨菇汤味道浓郁，好似成榨磨菇放入口中，质地稠身唔腻。
磨菇忌廉汤
9 浏览
0 赞好
0 留言
食嘅系法国菜，所以喺上主菜前，餐厅都奉上雪葩，好让客人清清口腔。
香茅雪葩配冬荫公曲奇、荔枝雪葩配开心果曲奇：
实不相瞒，全晚最令我留低深刻印象就系香茅雪葩。成件事好泰式风味，香茅雪葩清香，配埋冬荫公曲奇，后续强烈，辣嘅曲奇好特别，而且两者配合得十分好荔枝雪葩配开心果曲奇本来都系出色之作，不过企喺香茅雪葩旁边，当堂比下去呢。
香茅雪葩配冬荫公曲奇、荔枝雪葩配开心果曲奇
13 浏览
0 赞好
0 留言
呢枝蝴蝶型嘅匙更非常靓。
龙虾配青芒沙沙、青柠芒果蓉：
烧龙虾已经起肉方便食用，size唔细，闻到阵阵烧烤味道，龙虾肉弹牙爽口，配合芒果莎莎，香甜鲜味，唯垫底嘅果蓉味道苦涩。
龙虾配青芒沙沙
13 浏览
0 赞好
0 留言
龙虾配青芒沙沙、青柠芒果蓉
4 浏览
0 赞好
0 留言
龙虾配青芒沙沙、青柠芒果蓉
7 浏览
0 赞好
0 留言
海胆烟肉幼蛋面：
其实食到呢个位，我同男朋友已经开始饱肚，唔好睇少少款款份量好似唔多，因为餐厅上菜速度较慢，变相我地有较多时间消化，坐坐下就饱。
海胆配幼蛋面，基本上系不死配搭，海胆食落就唔算话好鲜味，不过份量多，冇腥冇臭收货啦。反而面头嘅三文鱼籽味道更突出。
另外加有少量烟肉碎、车厘茄，平衡整体味道。幼蛋面软硬适中，比较creamy，多吃会腻，二人分享刚好。
海胆烟肉幼蛋面
5 浏览
0 赞好
0 留言
香煎深海驴鱼配野菌、青豆蓉：
驴鱼鱼肉厚实，方便客人食用已经起骨，以秋葵伴碟减轻油腻感，而青豆蓉亦好滑溜。无惊喜，胜在四平八稳。
香煎深海驴鱼配野菌、青豆蓉
8 浏览
0 赞好
0 留言
脆鳞马头鱼、酱油猪五花苹果塔：
马头鱼反而不错吃！鱼肉滑溜，皮脆冇骨，而且鱼油彭拜。以鹅肝菌作伴菜，感觉健康
旁边嘅系猪五花配鱼饼，食落有少少似扣肉，又有啲猪脚姜𠮶种醋味，几特别。鱼饼上亦有加有几片青苹果丝，有助解腻。
脆鳞马头鱼、酱油猪五花苹果塔
10 浏览
0 赞好
0 留言
脆鳞马头鱼
8 浏览
0 赞好
0 留言
草莓仙子：草莓乳酪配菠萝干、热情果雪糕
呢道都可算系餐厅嘅signature，见鞋就一定知道系呢间餐厅嘅出品。
至于旁边嘅伴碟，店员都解释，其实都好花功夫制作，食完雪葩都唔好忘记，原来系新鲜菠萝干，以红菜头上色，做成花嘅模样。
食落烟韧，菠萝香突出，甜度适中，此甜品非常有惊喜。
草莓仙子：草莓乳酪配菠萝干、热情果雪糕
4 浏览
0 赞好
0 留言
草莓仙子：草莓乳酪配菠萝干、热情果雪糕
6 浏览
0 赞好
0 留言
蔷薇甜心：青柠蓝莓配荔枝雪葩
混合蓝莓、青柠等材料做成玫瑰花形状，十分细致，灯光稍暗下骤眼睇仲有少少似黑玫瑰呢。
蓝莓份量相信十分之多，食落就好似将一整盒蓝莓倒入口中，清新香甜，加上荔枝雪葩，配合得宜。
只系我挂住影相，雪葩都开始融化了。
蔷薇甜心：青柠蓝莓配荔枝雪葩
4 浏览
0 赞好
0 留言
蓝莓泡芙：
呢份系店员送上嘅是日甜品，当日第一日推出呢，有幸试到都好开心造型有少少似珍珠炼架，好有心思蓝莓泡芙即日制作，里面更加有蓝莓酱做成流心效果，感觉好似食紧法国有名嘅闪电泡芙。珍珠系白朱古力脆脆，三份甜品都令我留低深刻嘅印象。
蓝莓泡芙
5 浏览
0 赞好
0 留言
甘菊花茶：
餐饮可选花茶，食左咁丰富嘅食物，选择花茶作结最适合不过呢。
花茶以壶上，清新芳香，有需要可向店员加配蜜糖，更加香甜。
甘菊花茶
5 浏览
0 赞好
0 留言
整体而言，呢餐我地相当满足啊。餐厅环境优雅，虽然未至于话少女心大爆发，但见到咁靓嘅环境，都忍唔住影多几幅相。
价格或许令人有点却步，只系食物质素相当不俗，而且店员服务非常好，细心招待，用餐体验愉快！
不过提一提，呢餐我地都足足食左三小时架，认真似公主般慢慢食，上菜速度唔会好似快餐咁bangbang声，预足时间呢。
张贴
