影片
更多
2021-03-04
4192 浏览
终于等到了晚市开返,四人同台,好耐happy friday无同过朋友去日式居酒屋饮返两杯吹下水食下串烧,揾到系尖东嘅呢间hokahoka💛原来开左好耐,由门面嘅设计就感受到好地道,未讲野食先讲环境,预先打电话订台,安排左去一间和式榻榻米嘅座位要除鞋入去,就系呢个设计,加上店长亲笔写嘅日文是日推介餐牌,就已经好日本🇯🇵👍🏻.今次重点其实都系同朋友饮下酒吹下水,所以都系叫返啲平时居酒屋都会叫嘅野,一嚟梗系叫返枝sake 饮下 ：($380)唔算太贵仲送返枝细细枝嘅一齐饮,清爽口感送串烧/鱼生都一流,唯一要挑剔嘅地方系冇野雪住,饮到后期唔够冻($80)小弟下酒菜必点系列! 最怕遇到啲鸡泡鱼干干争争食落鞋口,呢间嘅绝对唔会！好多汁嘅口感非常惹味,配埋沙律酱完美,属高质之选👍🏻.[刺身拼盘(松)]($480)纯粹想食下刺身所以叫下🤣有赤贝,帆立贝,八爪鱼,吞拿鱼几款,都算新鲜但未算好惊艳个只,纯粹过下口瘾👌🏻.($34/串)都系小弟居酒屋必点系列,牛舌都算厚切,烧得刚刚好口感够弹牙,都算唔错👍🏻.($85)平时返工食华御结饭团得一劈仔明太子就食得多,第一次成条咁食真系第一次😍好浓郁嘅味道偏咸,配
终于等到了晚市开返,四人同台,好耐happy friday无同过朋友去日式居酒屋饮返两杯吹下水食下串烧,揾到系尖东嘅呢间hokahoka💛原来开左好耐,由门面嘅设计就感受到好地道,未讲野食先讲环境,预先打电话订台,安排左去一间和式榻榻米嘅座位要除鞋入去,就系呢个设计,加上店长亲笔写嘅日文是日推介餐牌,就已经好日本🇯🇵👍🏻.
111 浏览
0 赞好
0 留言
今次重点其实都系同朋友饮下酒吹下水,所以都系叫返啲平时居酒屋都会叫嘅野,一嚟梗系叫返枝sake 饮下 ：
[初孙(冬季)🍶]($380)唔算太贵仲送返枝细细枝嘅一齐饮,清爽口感送串烧/鱼生都一流,唯一要挑剔嘅地方系冇野雪住,饮到后期唔够冻
[烧鸡泡鱼干]($80)小弟下酒菜必点系列! 最怕遇到啲鸡泡鱼干干争争食落鞋口,呢间嘅绝对唔会！好多汁嘅口感非常惹味,配埋沙律酱完美,属高质之选👍🏻
.
142 浏览
0 赞好
0 留言
[刺身拼盘(松)]($480)纯粹想食下刺身所以叫下🤣有赤贝,帆立贝,八爪鱼,吞拿鱼几款,都算新鲜但未算好惊艳个只,纯粹过下口瘾👌🏻
.
98 浏览
0 赞好
0 留言
[烧牛舌]($34/串)都系小弟居酒屋必点系列,牛舌都算厚切,烧得刚刚好口感够弹牙,都算唔错👍🏻
.
95 浏览
0 赞好
0 留言
[烧明太子]($85)平时返工食华御结饭团得一劈仔明太子就食得多,第一次成条咁食真系第一次😍好浓郁嘅味道偏咸,配返块青瓜同萝卜溶中和返个口感同味道😋
...
正当谂住呢间其实都只系间装修比较有特别嘅居酒屋🏮准备埋单之时...突然店长yuya san攞起挂系房度嘅结他自弹自唱左首日文版嘅‘海阔天空’！😳紧随其后嘅15/20 分钟就突然感觉去左日本嘉年华般,听住店长自弹自唱,跟住带气氛嘅职员一齐打beat,其间不少昭和年代嘅经典pop song都一一献唱,包括当年脍炙人口嘅lalala love song, 仲可以自由点歌,最后连陪伴小编成长嘅 忍者乱太郎 主题曲 🥰勇气100%都唱埋,大家一齐拍手👏🏻打beat, 好有气氛,顿时忘却现实中嘅一切烦恼,好似去左趟日本旅行咁👍🏻
.
总括嚟讲,单论食物质素正常唔差,价钱都唔算话好平,但胜在整个环境好有气氛,睇到店长 拎住结他自弹自唱,带俾食客另一番嘅体验,呢间居酒屋绝对适合星期五/周末收工过嚟同班朋友聚聚旧,饮下酒食下野,有时遇到店长献唱(唔知系味晚晚喇 利申返)仲可以唱埋一份high 返晚👍🏻房仔座位有限记得book定位先哦～
张贴
