無名炭爐雞蛋仔 (已結業)

今次专登远道而来，当然系因为呢档鸡蛋仔好出名既关系啦，虽然地点有少少远，但都不畏长途跋涉跑来一尝呢档鸡蛋仔。原来呢档鸡蛋仔，日日都系下午先开，但一早黎到，结果失望而回，好在无放弃食完午饭返黎之后再黎过，今次终于揾到佢喇，实在太开心，远望过去已经好多人围住观看同买鸡蛋仔，真系好热闹，排左十至十五分钟左右已经买到一个，我地已经急不及待攞黎食，粒粒鸡蛋仔都好饱满，攞上手弹力十足，不过略嫌名面唔够脆，虽然食落去味道唔错，但系正宗炭炉鸡蛋仔应该系外脆内软，好可惜可能佢用既面粉唔够靓，所以外皮唔脆，只做到内软。不过能够再次食到炭炉鸡蛋仔已经好开心，因为普通用电黎整既鸡蛋仔，无可能做到那么香口，内里饱满，就算系那间北Ｘ鸡蛋仔都唔够用炭炉鸡蛋仔好味，因为炭炉既温度成２００－３００度，鸡蛋仔唔驶一分钟已经做好；但北Ｘ鸡蛋仔用既机点改装都只会去到１５０度，所以绝对无得比，希望下次好快就有机会可以试埋佢既格仔饼。ｐｓ　其实我更加想试下大屿山果间炭炉鸡蛋仔，听人讲，果间更加好味，真正做到外脆内软。