僕之拉麵 (已結業)

餐厅：仆之拉面地点：旺角豉油街菜式：拉面，主打豚骨汤拉面餐牌：主要拉面5款，都有限定拉面，可追加配料，小食，饮品特选拉面 $135特选拉面汤底选左豚骨浓汤，饮啖汤先，果然好浓厚，我无加汤油，味道唔会太油。拉面系幼身，我无特别要求硬度。质感较淋，都颇有蛋香，份量唔会太多。叉烧有1.5倍，即系三大块，厚度适中，有口感，猪味浓，又唔会韧，好味。炙叉烧一大片，烧得好香口又脆又啖啖肉，好正！紫菜两枚，浸汤吸汤一流。葱少量。味笋两片。味付鸡蛋一开二，个心好淋滑，味道唔会太咸。另外我追加左水饺子三个$25，分开上，饺子皮少少烂开，唔算太厚，入面肉馅都几多。蟹棒两本$18，超大条，啖啖肉，味道都唔假。另外叫左两款小食。炸鸡4个 $38炸鸡热辣辣，大大件。炸得皮脆肉嫩好多汁，伴有柠檬同沙律酱。炸章鱼丸6个 $30炸章鱼丸外皮少脆而入面超滑，中间有章鱼粒有少少咬口。面头洒上紫菜丝同木鱼花，加上满满章鱼烧汁，伴有沙律酱，质素唔错。蜜瓜梳打$24 桃梳打$24日本水果梳打原支上枱，我地拣左三款口味既其中两款，仲附有独立包装吸管。今餐食物质素唔错，特别欣赏叉烧质素。拉面店座位同装修连播放既音乐都好有日式风味。