香港地 (已結業)

今日同同事出街食lunch,一于试哩间岩岩装修好既香港地，唔知点解个名无左美心两个字，不过装修靓左好多，好多人等位，我地一行6人12点30分到，等左20分钟有得入。同事介绍我食常餐（$56），见到价钱吓到个心离一离，乜而家d常餐贵左咁多😨不过午餐餐牌又无乜想食，最后就拣左龙虾汤通粉。我仲加14蚊叫左杯奶茶冰。滑蛋高质，好creamy有蛋香，卖相好吸引！多士香脆，而且个包本新带甜味，有牛奶包既感觉，唔错！龙虾汤浓郁，好似西餐饮既龙虾汤咁，不过叉烧份量少，而且好瘦。哩杯奶茶冰明明张相好大杯，出到黎好长好窄，本新冻奶茶就加4蚊，哩杯d冰系用奶茶雪，令你杯奶茶由头到尾都无变淡，原价28蚊，跟餐加14蚊，谂谂下，我叫多杯冻奶茶都系18蚊，而家要加14蚊多两杯奶茶冰真系好唔抵，不过一试无妨。最后我个餐要70蚊，张单够200蚊用enjoy卡有9折，所以变左63蚊，我觉得都系贵左d,久唔久食一次都ok,日日食荷包唔得掂！