大哥雞飯去骨海南雞 (愛定商場(H.A.N.D.S) N區)

营业中

休息中

大哥鸡饭成日心思思想食星马菜，今日咁屋企冇煮饭，梗系捉老豆老母陪我食返够本。😊😊虽然大哥鸡饭店仔细细，但野食选择都几多下。落单后前菜小食好快就送到。剁椒无骨凤爪唔会好辣，主要酸甜为主，非常醒胃。而参巴酱炸鸡，主要取其香，唔会有太劲辣椒味，入口香脆有肉汁。😍😍而主菜，当然要试下佢个海南鸡饭啦。鸡肉爽弹有光泽，而鸡肉就嫩滑有鸡味，配上我自己好钟意既黑酱油，非常搭配。第二样我地拣咗猪颈肉喇沙掺掺，猪颈肉份量劲多，而且烤得好干身，点少少泰式酸辣汁，非常惹味。喇沙汤微辣带浓厚椰香，相当唔错。😆😆最后我地口痕叫多咗份斑斓咖央多黎，牛油咸香加上甜丝丝既咖央酱，作为饭后甜品真系最适合不过。☺️☺️