上海一品香菜館

营业中

休息中

今晚家中无煮饭同父母一起出街食，心知老豆剩系喜欢食中餐，所以想起这间又经济又美味的上海菜馆，此间啱晒老豆口味。间舖四百平方尺左右眼见有三张大圆枱，枱可供8至10人坐仲有几张细枱，夜晚旺场时会额外添置几张枱放在舖位外近lift位置，lift位无咩人经过，都坐得好自在。攞位等候时间十分钟左右，阿姐好有礼问几位，讲最好人齐先入客客气气的，有时仲问你依个位啱唔啱，好体贴充满了人情味。今晚点了碟杨州炒饭，白饭都要十蚊叫炒饭感觉上抵好多，而且饭炒得不错好多蛋粒粒饭用来捞汁食几正。糖醋桂花鱼鱼肉质比较嫩，味道拍得住大酒家水准，百一蚊真系好抵，每次来都系稳胆之选。鸡丝粉皮够冻够爽粉皮够滑麻酱好味，整体做得出色，每次来也是一定会叫。南翔小笼包皮薄馅靓多汤汁点醋慢慢叹，一笼八件好抵食。整体而言，我食个几次揾唔到有咩唔好食，系一间用心经营有人情味的上海菜菜馆，要好好珍惜。