番茄18

营业中

休息中

朋友带我嚟到荃湾，佢介绍近住荃湾广场嘅蕃茄18食晚饭，最初以为只系一间普通嘅茶餐厅，入去之后发觉装潢好特别，好怀旧面而且佢张香港大部分嘅古旧店舖门面作为装饰，好有怀旧feel！坐乐亦都十分之舒服阔落，餐牌就如一本相簿，真系唔识字都可以点餐！见大部分人都系点同蕃茄有关嘅餐，应该都系好有口碑；我就特登点一啲完全冇蕃茄成分嘅餐试下，首先当然要试试佢𠮶个木碎花生多士，再加多个丁丁蛋治，饮杯鲜菠萝冰和咸柠七，再加多个花胶鸡汤米线和上汤娃娃菜！丁丁蛋治嚟到真系不得了！啲馅料有成两吋厚，食落真系回味无穷，蛋香加上五香肉丁嘅少少辣味，我食咗三分二，实在太好味！木碎花生多士其实系碎花生加奶酱多，但各样嘅份量都恰到好处，食落都好有特色！花胶鸡汤米线件花胶仲大过个手板，啲鸡亦都煮得恰到好处，唔冧唔硬！米线亦都可圈可点，值得一试！而娃娃菜份量十分之大！鲜菠萝冰用鲜菠萝制造，好饮过罐头菠萝冰多多声！咸柠七好有怀旧feel鸳鸯柠檬再加七喜！最后加多个拍青瓜，麻辣味劲强，钟意食辣嘅朋友，一定要试试！而不得不提嘅就系服务员嘅专业服务态度，个个笑容满面，服务周到！令到成晚嘅晚餐变得更加完美。