影片
更多
2018-11-22
903 浏览
儿时住响深水埗唐楼，对于呢个地方总有少少情意结，久唔久就想去食吓豆腐花，行吓黄金商场。喀什咖哩就响平日食开嘅荳品店附近，平日自己一个人嘅话就一定买份咖哩牛肉薄饼边行边食！二人以上就入去食丰富嘅印度餐。位于深水埗嘅食肆有个特色，就系份量比坊间多少少。一般午餐份量一定够饱！喀什嘅午餐有咖哩牛腩，咖哩免治牛肉，咖哩免治羊肉三款，配白饭或者2块酥油饼，价钱都系$4X。咖哩底用上多种香辛料配搭而成，辣味唔会太重，但味道浓郁层次丰富，口感顺喉，无论配白饭或者酥油饼都系绝配！肉类方面，牛腩，免治羊肉就最受欢迎，牛腩炆得软烂入口即化唔黏牙，羊肉味浓满口羊肉骚香烤鸡又系另一皇牌推介，鸡肉用香料，乳酪腌得入味，肉嫰多汁，系我每次必点嘅！酥油饼层次分明，香脆得嚟又烟烟韧韧，每份都即叫即煎，次次都热辣辣，甜食咸食都得！食物方面就超水准，唯独卫生就要改善一下
喀什咖哩就响平日食开嘅荳品店附近，平日自己一个人嘅话就一定买份咖哩牛肉薄饼边行边食！二人以上就入去食丰富嘅印度餐。
位于深水埗嘅食肆有个特色，就系份量比坊间多少少。一般午餐份量一定够饱！喀什嘅午餐有咖哩牛腩，咖哩免治牛肉，咖哩免治羊肉三款，配白饭或者2块酥油饼，价钱都系$4X。
咖哩底用上多种香辛料配搭而成，辣味唔会太重，但味道浓郁层次丰富，口感顺喉，无论配白饭或者酥油饼都系绝配！
肉类方面，牛腩，免治羊肉就最受欢迎，牛腩炆得软烂入口即化唔黏牙，羊肉味浓满口羊肉骚香
烤鸡又系另一皇牌推介，鸡肉用香料，乳酪腌得入味，肉嫰多汁，系我每次必点嘅！
酥油饼层次分明，香脆得嚟又烟烟韧韧，每份都即叫即煎，次次都热辣辣，甜食咸食都得！
食物方面就超水准，唯独卫生就要改善一下
张贴
