東記上海麵

营业中

休息中

自从肥妹仔转左响大埔返工之后，放工有阵时都会去附近嘅地方食晚餐。今日经过呢一间东记上海面，见到价钱好相宜，而且好多人食，决定入去试吓。墨鱼条榨菜，上海粗面酸辣汤底$46肥妈叫咗墨鱼条上海粗面，墨鱼条外皮炸到酥脆，个酸辣汤底一啲都唔会太刺激，好适合肥妹仔同肥妈呢一啲唔食得好辣嘅人！上海面烟烟韧韧，唔会好淋，正。牛筋生面 $42肥爸就叫咗个牛筋面，因为肥爸啲牙唔好，唔食得好硬嘅嘢，呢一个牛筋就最适合。肥妹仔食咗一旧，炆到好软熟，牛腩汁好出色。炸猪扒走汤加拌面汁 $50见到枱枱都叫炸猪扒，无理由唔叫呱？肥妹仔就叫咗呢一个炸猪扒捞面，佢个捞面酱其实就系麻酱加酸汁，好开胃。炸猪扒冇嘢好讲，真系好出色！炸粉唔会好厚，猪扒好入味，肥妹仔好惊𠮶种肉质好淋，呢只有咬口，掂。手拍 青瓜 $20正常发挥，青瓜好爽脆。炸云吞$32外皮炸到脆卜卜，点埋甜酸酱，好好食。