宜家家居餐廳及咖啡室

营业中

休息中

呢个商场餐厅唔多，而且大多都要排长龙，ikea系CP较高又唔洗等太耐嘅选择。另外，不时转新菜式，都唔会厌。当日6:30左右已经到左，一去到就搞到位。二个人叫左三道菜share, 分别系香烤三文鱼、菠萝鸡肉薯仔羽衣甘蓝沙律、蜜糖烧鸡配蘑菇汁薯蓉。沙律唔记得左影，份量都几多，材料丰富。鸡肉唔鞋，菠萝几甜，可惜羽衣甘蓝唔系太新鲜，望落去色泽麻麻地，同埋我钟意多酱，觉得沙律酱唔够。半只烧鸡都几大只，卖相相当吸引，肉质嫩滑，调味适中，唔会淡茂茂，鸡皮都烤得香口。伴碟蔬菜都多，几有诚意。香烤三文鱼保挂一贯水准，鱼皮烤得微脆，肉质鲜嫩，配上酸酸地嘅Tata酱，相当美味。小米拌有小量红黄青椒，口感味道都唔错。