星藝廚坊

营业中

休息中

呢间可以话系午餐饭堂之一，喺荔枝角返工其实唔太多选择，星艺厨房最近质素有所提升，应该系换咗厨房之故！食物出名抵食夹大件，除咗适合附近一带写字楼人士，附近嘅工程地盘人员都好多嚟帮衬，因为佢嘅大碗饭真系好饱！起码有两碗半白饭咁多！今日食咗豉椒排骨炒面、咖啡红豆冰！豉椒排骨炒面啲面炸得好香脆，上面嘅豉椒排骨亦都炒得好香口，啲汁啱啱好，不过食得呢味𩠌，预咗晏少少都会饭气攻心，因为有啲油腻，实会有啲口干！另外个咖啡红豆冰，真系相当唔错！红豆大大粒，够淋又够甜，份量非常之多！只系加＄9！都算系抵！总之同事谂唔到食乜嘢都会来帮衬呢间餐厅！