曼谷車站

营业中

休息中

呢间餐厅就一啲都唔陌生，经常光顾佢下午茶，价钱平食物正。晚饭就比较少食，今日约左九龙湾返工嘅朋友一齐晚饭，我就推荐左佢食呢间餐厅，真系无介绍错，价钱亲民，食物好食。餐厅以火车厢装修，环境舒适阔落，卡位坐得好舒服，仿佛在火车厢进食了一餐泰菜。正宗泰式海南鸡 半只 $85鸡肉软滑，一啲都唔「鞋」，仲好有鸡味，完全无雪藏味。精髓当然要配合埋三款酱汁去食：辣酱、蒜蓉酱、豉油，任君选择，真系好滋味。烧猪颈肉 $75肉质爽滑弹牙，一啲都唔油腻，配上秘制辣酱，令人难以抗拒。蒜蓉炒翡翠苗 $57🌱菜苗清甜爽脆，而且幼嫩，食起上黎，一啲都唔老，唔会起渣。食得多肉，都真系要食返个菜帮助消化。椰青 $35天时暑热叫个椰青就啱啦，饮落香甜，真系消暑佳品，发觉饮一个都唔够喉，因为实在太好饮。总结，餐厅值得推介，价钱亲民，食物质素高。