炑八韓烤 (青衣城1)

营业中

休息中

最近这个商场有优惠，消费$1000已经有$300礼券回赠，非常刺激到我消费嘅心情！最开心当然系吃大餐啦，于是乎就出动去韩烧！果然嚟到非常爆场，可见大家的想法和我都是一样！今次食咗盐葱牛舌旨味套餐，呢款套餐都几抵食，尤其适合两个人，因为每一款份量唔算好多，但系就可以试到劲多款肉类，例如有软糯香浓芝士生蚝、香口肥美葱蒜牛五花、油香四溢嘅秘制酱油猪五花、爽实口感嘅葱蒜牛舌、腌得香甜的牛胸腹肉和嫩滑炭香嘅梨汁鸡腿肉。仲配搭埋非常地道嘅薯仔牛骨汤！菜干薯仔汤非常下火，好适合食完韩烧饮返两啖！味道浓郁，实而不华，仲有一大块煲到好淋好入味嘅牛骨肉，入口软绵绵好鲜味，系有100分嘅！饭桶就要吃点饭，叫了石头锅饭和韩式紫菜饭！热辣辣嘅石头杂锦拌饭，加上韩式辣椒酱，味道刺激得来，因为有好多蔬菜，又会觉得好健康！最顶瘾系非常香口嘅饭焦，同煲仔饭有得挥！这边也有很多冬季热饮，推介姜橙热饮，不太辛辣的姜味，偶尔散发一点橙香，饮起来很暖胃！玫瑰佛手柑热饮也会是个不错的选择，淡淡的玫瑰香气不会过分浓烈，然后佛手柑非常舒缓喉咙，有一种清润的感觉。