嚐館 (已結業)

今日去到黄大仙行街，呢道商场装修过，非常大间，行到累就揾个地方食下野休息下。比我地揾到呢间餐厅，好快就坐底左。首先我地叫左两个二人餐，有头盘，主菜，甜品。头盘方面有芝麻酱杂菜沙律，餐汤，工匠面包。沙律非常新鲜，餐汤系忌廉汤，好香浓，味道非常好。面包有牛油系面，食落非常有口感。主食方面就叫左黑松露芝土杂菌饭，呢个黑松露味道好出众，啲米就粒粒金香，我个人十分喜爱，真系世界级享受。第二个餐系煎焗法国春鸡配野菌意粉，份量十足，成只烧春鸡，配咪意粉非常弹牙，捞埋忌廉汁食非常好味。再叫多个猪颈肉喇炒，呢个汤底唔算好辣，辣度适中，猪颈肉都好多，肥瘦适中。友人非常喜爱。套餐有送野饮，我就选左热朱古力，呢道重有拉花，好靓，睇见都想立即饮落口，味道好香浓，好滑溜。另一杯系热奶茶，好滑，味道都好好，友人十分喜爱。跟餐重有甜品送，今日系苹果批，唔会好甜，味道岩岩好，感觉好健康。