唐記包點 (荷里活廣場)

营业中

休息中

唔怕话俾你知，好多时食唔饱又或者唔想食咁饱，我都会首选唐记包点，原因系真系保持水准， Pau系热辣辣，点心都系热辣辣。本人最钟意就系佢嘅烧卖，菜肉包，排骨饭，咸水角，春卷等等，排名不分先后次序，哈哈！好多时候都会见到好多人排队买外卖，甚至乎晚餐时段见到有啲人买1+几盒饭返屋企都系好好嘅选择，唐记包点令我最开心嘅系以一个平民价钱，买咗一对点心返屋企同屋企人享受，有阵时未必有时间去饮茶，但系我返到屋企打开张枱， 将点心摆满成枱都好似饮茶嘅感觉，一家人围埋一齐食点心系真系好开心㗎，而家疫情未必可以咁样饮茶，试吓唐记包点啦！