影片
更多
2017-05-22
559 浏览
今次系第一次黎，之前佢就黎执笠同岩岩重开咁多人排队，一路无试过。今日星期六睇完戏未够七点就过黎睇睇，唔使等位直接入坐。得两个人食唔到咁多野，之前睇食评串烧好似劣评如潮，避免中伏所以无拣。左拣右拣之下拣左海南鸡饭、喇沙、咖哩角同牛丸粉丝汤。油饭好多人赞所以一定要试。果然，饭粒有咬口够烟韧，粒粒分明而且带有香料同鸡油香，系全晚最精彩嘅食物。至于个鸡，如果个饭系值5星，个鸡我会俾1星 ，因为佢系完全无味。呢个价钱我当然唔会期望有新鲜鸡，但系如果用白卤水浸点都应该吊到少少鸡味出黎啩？呢个鸡食落去无论系鸡味同香料味都系欠奉。食完无味嘅鸡跟住食番啖浓味嘅喇沙。食喇沙最紧要个汤底够浓稠，最怕食到啲鸡汤底加少少咖哩味就话自己系喇沙，呢碗完全无呢个问题，够晒香浓，而且大大碗够足料。$49蚊一碗，翠华鱼蛋河都差唔多呢个价。出面而家食碗喇沙闲闲地都要六七十蚊，当然呢碗系无蛳蚶啦，不过绝对系水准之上。之后呢碗牛丸粉丝汤又将个分数拉番低，汤底系有少少鸡味嘅滚水，牛丸无牛味同唔弹牙，粉丝就超多，绝对系够晒饱肚，如果病左想食啲清淡食物，呢碗系白粥以外嘅首选。见到隔离台个咖哩角几靓仔又忍唔住叫埋，新鲜热辣炸起，大大只
得两个人食唔到咁多野，之前睇食评串烧好似劣评如潮，避免中伏所以无拣。左拣右拣之下拣左海南鸡饭、喇沙、咖哩角同牛丸粉丝汤。
海南鸡饭 (5星系俾个油饭，完全唔关个鸡事)
$53
36 浏览
0 赞好
0 留言
喇沙
$49
40 浏览
0 赞好
0 留言
牛丸粉丝汤
$40
18 浏览
0 赞好
0 留言
咖哩角
$35
20 浏览
0 赞好
0 留言
见到隔离台个咖哩角几靓仔又忍唔住叫埋，新鲜热辣炸起，大大只涨卜卜好足料，好食过大部份茶记，非常之地道 (I mean系地道香港风味，即系春卷皮包住洋葱薯仔黎炸𠮶只，唔系酥皮咖哩角)。最后太饱剩系食左一只之后打包。
总括黎讲呢度唔系每样食物都好好食，亦都明白点解之前见佢嘅评价好坏参半。但系讲真，以呢个价钱有咁嘅质素，系抵食嘅。另一样要赞嘅系佢上菜快而且啲野热辣辣。之但系如果要排队先有得食我就唔会喇，Time cost都系cost丫嘛，黎呢度就系因为佢抵食。如果我喺附近番工呢度会系我嘅食堂之一，下次想试埋佢嘅炒米同炒通菜。
张贴
