桜

营业中

休息中

记得早排香港仲好流行食手卷，但香港人嘅创意真系无穷无尽，好快就比其他野取代！虽然系咁，但今日行过荃湾路德围，呢到仍然好多唔同嘅食店，而呢间手卷店都仲系好多人等紧，咁就一于试试佢！今日同我嘅好闺蜜食尽佢！先黎一人一个手卷，我要咗个三文鱼腩，朋友要咗个玻璃虾！个虾劲大只，朋友话又都好新鲜，望到都觉得几吸引！！而我嘅三文鱼腩都好肥美😋😋之前我地仲要咗个蟹将军丼，我地计过，咁样叫应该抵食过叫两个软壳蟹手卷😎😎 原只嘅软壳蟹炸到岩岩好！ 仲要见到有蟹膏😋 成个饭除咗有蟹之外，仲有蟹籽同蟹柳，同啲饭一齐食岩岩好，又唔会太单调，难怪叫蟹将军。另外仲试咗新野，吉列沙律三文治！ 呢个就无咩特别嘅，整体唔算太油，间中试下新野都几好。仲有个好抵食嘅忌廉蟹肉薯饼，廿二蚊三件！出面仲有边度可食到咁平？！ 所以二话不说就叫咗。