一休(居食屋)日本料理 (長發廣場) (已結業)

尼间嘢位置系长发商场地下KFC隔离，几近青衣城。午餐时段等左唔洗5分钟就入得，因为一个人去食，入到去都要同人拼抬，不过都无所谓。午餐点左个鱼生定食配面鼓汤加白饭，再加个热奶茶(加3蚊)，大约10至15分钟就到，见到对面点熟食就要20至25分钟。鱼生都算多，而且尚算新鲜，特别系甜虾，其它就一般般，饭就有啲多，饮埋个面鼓汤，一个人食其实都好够。鱼生定食75蚊，加嘢饮3蚊，买单总共78蚊，免加一，都几抵食。