容記小菜王 (已結業)

平时好少去新蒲岗，咁啱经过，见到这间酒家出面有个牌写住有特价小菜，最平$38，果日系公众假期，于是问吓系咪也有做特价小菜，佢话有，立即试吓佢，叫了胡椒猪肚鸡煲、翠塘海皇豆腐及南乳莲藕炆猪手，这些也是属于$48的小菜，先上胡椒猪肚鸡煲，老实讲这个份量系比较少，不过$48算系咁，几香胡椒味，猪肚也算淋，差唔多食晒这碟𩠌之后就上猪手，这个猪手份量也足，唔会过浓味，猪手啲毛也抆得好亁浄，煮得入味，最后上嘅就系豆腐，但这个豆腐真的等好耐，由落order到上枱差唔多成个钟，期间我见其他枱的客人也有催𩠌，有啲等得太耐无等就埋单走了，虽然这个𩠌等得耐，但煮出来的卖相也很不错，大大碟，又足料，有啲似食紧䶢嘅豆腐花，豆腐滑就唔系好滑，但也ok，整体而言，这个价钱坚抵，虽然饭同茶位要$15 一位，但拉上补下也是抵，服务也ok，会再帮衬.