花月庭 (已結業)

好耐冇去过花月庭食自助餐，见OpenRice有特价，第二时段午餐，3-5pm，只系$238（包服务费），就当食个Early dinner。去到见到人头涌涌，几乎全场满座，心谂应该唔会太差。食物虽然不至于好高质，但系有惊喜嘅。冷盘有生蚝、青口、虾、鱼生，寿司等等。沙律吧都有齐基本嘢。热盘选择都几多，试过嘅海鲜蒸蛋白、咖喱鸡、香茅肉粒都唔错。仲有烧牛肉、生滚粥同面档。我自己钟意食甜品，选择多，同质素都唔错。饮品有齐咖啡茶柠等等。如果用消费券付款，送鲜橙汁。另外， 55岁或以上，连加一，只系$208，呢个价钱真系相当超值。