影片
更多
2018-03-02
776 浏览
好耐无同表哥食饭聚一聚，佢打银行工，放工时间唔太准，所以，就佢返工点就约晌红磡区。佢工作都算繁重，一于嚟个快乐星期五，驱驱闷气，而餐厅就选上「Moreish & Malt」红磡店，佢哋主打好多手工啤，虽然啤酒就唔太啱，但曾试过佢嘅观塘店，知道水准不赖，值得带表哥嚟试吓。「逸．酒店」曾嚟过食自助餐，「Moreish & Malt」位处酒店一楼，上到嚟原来自助餐餐厅已经变成中菜馆。而另一边就喺今晚我哋食饭嘅地方，果然喺开心星期五，客人非常之多。餐厅装修有别观塘店，无卖工业风，换嚟一室时尚型格，多组马蹄位令客人有自成一角之感。我哋则拣咗挨窗睇睇街景嘅二人位。店名嘅「Malt」指麦，就喺酿啤酒嘅主材料之一，所以，店中提供多款手工啤酒。如果喜欢饮啤酒，佢哋更提供90min任饮北海道札幌啤推广，只喺$98就可以饮唔停，不过，就只限星期一至五欢乐时光时段。散点餐牌，食物分汤品、沙律、小食、墨西哥美食、三文治、汉堡、意大利面、烤肉、配菜及甜品。但睇匀兼跟散叫对比一下，佢哋嘅「Happy Meal」开心晚市二人套餐真喺抵到晕，$398 + 10%已包两客餐汤、头盘、烤肉（2拣1）、意大利面（2拣1）及两
「逸．酒店」曾嚟过食自助餐，「Moreish & Malt」位处酒店一楼，上到嚟原来自助餐餐厅已经变成中菜馆。而另一边就喺今晚我哋食饭嘅地方，果然喺开心星期五，客人非常之多。餐厅装修有别观塘店，无卖工业风，换嚟一室时尚型格，多组马蹄位令客人有自成一角之感。我哋则拣咗挨窗睇睇街景嘅二人位。
店名嘅「Malt」指麦，就喺酿啤酒嘅主材料之一，所以，店中提供多款手工啤酒。如果喜欢饮啤酒，佢哋更提供90min任饮北海道札幌啤推广，只喺$98就可以饮唔停，不过，就只限星期一至五欢乐时光时段。
散点餐牌，食物分汤品、沙律、小食、墨西哥美食、三文治、汉堡、意大利面、烤肉、配菜及甜品。
但睇匀兼跟散叫对比一下，佢哋嘅「Happy Meal」开心晚市二人套餐真喺抵到晕，$398 + 10%已包两客餐汤、头盘、烤肉（2拣1）、意大利面（2拣1）及两杯餐饮，单喺份美国肉眼散叫就要$248啦，更可以加钱配甜点添，所以，个套餐真喺物超所值。
意大利香草包餐前先嚟一小篮意大利香草包，喺小弟嘅心水包款，面包软熟，带微微香草香，最有心思喺加入干番茄，配上橄榄油及黑醋，简单清新。
忌廉西洋菜汤是日餐汤嘅款色颇少见，喺忌廉西洋菜汤，其实以西洋菜做西汤，都唔喺第一次，曾经晌「Les Saveurs Private Kitchen」试过一次，翠绿色嘅餐汤让人印象深刻。今回重遇，西洋菜嘅成份无下得咁重手，但味道细腻，入口亦颇幼滑，令今晚餐饭有个好开始。
牛油果三文鱼籽蟹肉脆饼再落嚟嘅前菜好正，将牛油果跟蟹肉打匀，铺晌脆饼之试，加埋啲三文鱼籽，卖相精致亮丽。一口咬落，啲脆饼坚脆口，咯咯声，而啲牛油果已混入蟹肉内，估唔到喺劲多蟹肉，味道好鲜，三文鱼籽多添咸鲜味，喺美妙嘅提味剂。所伴嘅沙律菜，加咗樱桃萝卜，淋上醇厚嘅黑醋，一啲都无迤做。
牛油果三文鱼籽蟹肉脆饼
19 浏览
1 赞好
0 留言
烧美国肉眼扒配炸薯条 +$30烤肉有两款，一喺猪肋骨，一喺就肉眼，当然宁愿加钱要10安士肉眼啦。果然喺10安士份量，上枱件扒好大块，伴有大量脆炸薯条，而且烤得件扒好靓仔，有炭火嘅焦香，要5分熟，切开色泽保持红润，却唔会有血水渗出，烧得恰到好处，食落肉质软腍，肉味浓郁，沾点烧汁，好好食，唯挑剔位喺件扒比较多筋，否则就完美喇。
香浓蕃茄烩牛肉酱蚬壳粉意大利面有两款，一款喺肉酱蚬壳粉，另一款喺卡邦尼意粉，后者食得较多，所以，就选上前者。啲蚬壳粉选用大粒装，感觉比细粒嘅好食，而且，煮得好有咬口，个烩牛肉酱又做得浓郁富肉香，整道蚬壳粉极之惹味，好得。
香浓蕃茄烩牛肉酱蚬壳粉
31 浏览
1 赞好
0 留言
因为打算加配一客甜点共享，所以，餐饮就拣咖啡，总觉得喺配甜点嘅好朋友。细细杯即磨咖啡，香醇芳香；而表哥拣嘅喺薄荷茶，有化胃气、帮助消化、舒缓紧张之效，饮落会令人舒畅。
特浓朱古力芝士饼 +$48加配甜品只有两款：苹果金宝或芝士饼，见佢芝士饼加入特浓朱古力，喺吸引我一试嘅原因。芝士饼部份嘅芝士味好香浓，而朱古力饼部份亦非常浓郁，喺口感比较硬净咗啲，做番软身啲就理想喇。
除食物表现出高水准外，服务亦熨贴，菜式一道接一道，不缓不急啱啱好。倾谈间，佢依然为细路仔嘢心烦，表姨甥女已经喺中五生喇，读书都仲喺迤迤哋，唯有希望佢突然生性（虽然渺茫），能够「麦」默耕耘，作最后冲刺！
张贴
