大喜屋 (已結業)

节日到，几个大食积想唔太贵食餐日式放题，拣咗尖沙嘴地铁出口傍方便到爆嘅大喜屋，平日经过都见到大约八九点左右就会见一众食客于弥敦道大排长龙上去大快朵颐。为避开大排长龙所以选食6:30较早时段。坐低填完一轮餐纸，食物好快就上台。第一轮先食沙律，相信因为第一轮晚饭时段蟹子沙律及蕃茄沙律嘅蔬菜都好新鲜，碗底亦唔见有蔬菜水。炒黄金虾一定唔系是晚焦点，不过都唔差。开始食入直路， 寿司大小可能较细，不过正正因为放题可以食多几件又变相食少啲饭。 刺身甜虾、带子、三文鱼样样都十分新鲜甜美。天妇罗上碟亦唔觉油淋淋，欣赏厨师无因为放题就揸流滩。枝豆、中华沙律小食醒胃。鱼籽鲜露笋三文鱼有特色，味道亦唔差。烧物冲绳黑糖烧牛仔肉超多肉汁。钟意食烧羊鞍只要食两块已经觉得回本。欣赏烧鸡翼剁开骨骹方便易食。烧广岛蚝上台即食唔等得。每次入单见甜品都唔会落单住，最后变成全餐最期待落嘅 order 。 泡芙、马卡龙都唔差。但提拉米苏杯 及 朱古力杯真系有食两杯都唔够嘅感觉。希望大家都可以开开心心食下食下又过一年。