喜多郎日本料理

营业中

休息中

有一晚去咗清水湾兜风，然后落西贡觅食。见到呢一间餐厅，又好想食日本嘢就入咗去啦。门外见到午市套餐唔算好贵，但晚餐嘅菜单却贵得有点惊人。但难得嚟到，就豪食一餐啦！叫咗新鲜生蚝，大大只十分鲜甜，毫无腥臭味。但其中一只生蚝有少少沙石洗得唔干净，同左职员讲，佢再额外送多一只俾我哋（当下打咗个突），然后叫咗一盘刺身拼盘试吓，坦白讲质素唔高，刺生未够冻之余，连三文鱼都食唔出肥美的感觉。有点失望。餐厅仲推介左一个手切鱼生俾我地，话当日先刚刚送到，本身都抱有好大期望，但都失望而回，有点腥，无鱼鲜味。主食中规中矩，但若然大家想入到嚟食刺身的话，呢间餐厅嘅价格同味道质素就不成正比，我不太推荐俾大家了。