醋娘子 (已結業)

虽然我个人唔太食得辣，亦好少会专登揾啲辣嘢嚟食，但如果辣得好味都啱我心水。印度咖喱有唔少都辣得几好味，中国有啲省份亦都将辣嘢整得好好食。上环始终人多消费力强，而租金无中环咁夸张，所以都养得起几间物美价廉嘅川菜。『正宗云桂川』系开得比较耐嘅，亦都比较独沽正宗川菜，例如麻辣口水鸡，凉皮同夫妻肺片。而『醋娘子』就做埋上海面，辣度亦有所调整，适合普通香港人口味多啲，呢度嘅环境装修亦比前者骨子。『干爆辣子鸡』虽然睇落好辣，食落以香味为主。包括芹菜、辣椒同花椒令到啲鸡肉又麻又香。$54嘅小菜客饭，价钱系无可挑剔嘅。