小草十八怪石鍋米線 (已結業)

星期三晚同男朋友黎食晚餐，要等位先有得入，不过都好快有枱。入到去用QR code点餐，我哋叫咗个三款串烧，包括原条茄子，鸡中翼、椰菜仔。茄子蒜味香浓，椰菜仔好细粒，俾佢切开咗一半，鸡翼都细只，但调味都ok。再叫左个椒麻虾胶脆卷，热辣辣，脆卜卜，入面有大量木耳丝，酱汁酸酸地好得意。另外叫左个笼仔虫草花蒸鸡荷叶饭，鸡好多骨，吾系啖啖肉黎。唔记得咗落豉油，但其实个饭本身都好香。再叫咗个烤鱼，要极品蟹黄汤底，冇蟹味，但食到有咸蛋黄，一开始觉得都几清甜，去到最后就有啲咸。烤鱼入面本身有豆卜、芽菜、粟米、莲藕，仲另上薯粉/饭，其他配料可以自己俾钱加，我哋就加咗猪软骨同埋封门牛肉，味道吾错。