雞少去骨海南雞

营业中

休息中

下午茶嘅海南鸡饭餐，讲到招牌当然试试佢。一个木盘盛住全个餐咁上，一碟鸡、一个饭、一碗汤再加一碟三款嘅酱，排列整齐啱啱好。👍🏽鸡嘅份量够、唔知系咁啱好彩定系点、佢俾我嘅系鸡肶肉、除左下肶嘅部份有连主骨外，其他鸡件都系去左骨嘅，好易食👍🏽。鸡肉非常嫩滑，好可惜嘅系无乜鸡味😩 所以要靠返三个酱食番酱味。（7/10）饭有得拣白饭或油饭，食得海南鸡当然要配油饭，油饭有均匀嘅淡黄色，但饭太干身，饭粒分明，有d甚至偏硬😣油饭嚟讲本人钟意少少湿身、至起码唔要硬，所以呢度扣分。（5/10）个汤餐牌上写系住家汤，望落去似系椰子煲鸡（唔肯定，因为无讲，可能只系纯粹嘅椰子汤），但饮落就剩系得椰子味无鸡味，由于唔知佢其实系咩汤，所以无法评论。总之个汤味道唔算好。（3/10）另外叫左杯热奶茶，茶底茶味几好，饮落唔错。可惜在d独立包装嘅砂糖受晒潮、结到一旧旧咁。虽然呢d唔算系餐厅食物出品，但会影响对食物嘅享受，餐厅管理有待改善。