香港茶餐廳 (已結業)

原本美心快餐折左之后开左米线餐厅，极速执粒之后就变成呢间新铺，于是就去试新野。点左个高级警官咖哩牛腩。个咖哩都唔错，辣得黎唔会太油腻，天寒地冻食咖哩真系唔错。d牛腩都OK，份量岩岩好。不过好老实讲，我觉得个餐唔值$46(冻饮+$2)。佢咖哩入面d用料系咩就唔知，不过味道未致于令人回味无穷。其次系牛腩，真系好一般，系一般到周街d普通茶记廿几蚊牛腩饭都有佢o既level...但系呢间香港茶餐厅竟然卖成四十几蚊，个价位真系一d都唔街坊。相比之下，我宁愿去楼下间翠华食佢个招牌咖哩牛腩饭，虽然$42，但系味道同份量都出众过佢...另一个不满o既地方系，原本美心快餐时个靓境，佢竟然封左佢...以前晏昼一路食午饭，一路感受出面o既阳光，d饭都格外好食。但系而家个环境，感觉上好似无以前美心咁开扬。不过，佢d 侍应都几有礼貌，而且行动迅速。清洁功夫都跟得几足。侍应生们亦都好留意食客，真系一捸手就即刻黎到。(不过长远黎讲应该唔系好事...)总括黎讲，味道系OK的，但系d野食偏贵，根本系拣唔落手。加上新都城真系大把又平又好食o既野食拣。如果个价唔下调，或者佢唔出d价钱大众化o既野食，我谂佢好有可能会步上手间