影片
更多
2007-06-27
358 浏览
估唔到呢间斋菜食肆,咁多年都冇人再俾食评意见!?我近来都少食斋菜套餐,原因系菜越越简单。以前一个套餐总有一个,制作较复杂斋菜,例如炸鳗鱼、素鸡或假虾仁等。但依家一个套餐,果几样菜,唔系用滚水灼下,就系炸春卷之类热气菜,又冇汁水完全送唔到米饭。依定仲用多平价食物,例如炸菜、雪菜、菜莆或鸡蛋等做配菜,次次经过睇下个菜牌,就已经唔系好想入去食。希望佢改善下菜选择,因为大多钟意食斋菜客,都唔太钟意食太油腻及煎炸食物,而且依家菜又太简单及无益,只求减低成本及增加惹味程度。虽然咁多年都冇加过价,但我觉得$18元套餐连汤,就可以再考虑多番帮衬。仲有要补充一句,有一个问题已经存在好耐,而且熟客都成日出声投诉,就系餐汤无论季节系几时,都应该系保持热辣辣先好饮,好心揾个大煲加热保温啦~
张贴