Marco's Oyster Bar & Grill (已搬遷) 新店位置

前排系Hktvmall见到有优惠。99蚊叹2人下午茶（另收20蚊服务费），所以就同fd去试下。虽然系圣地牙哥酒店楼下，但讲真就始终唔系酒店afternoon tea,只系一般high tea. 餐厅要景无景，要气氛又无气氛。只是一间普普通通的西餐厅。周围好多人又嘈。我同fd一行4人所以叫左2 sets. 一早book枱食2:30，但入座后都等左成45分钟先上左其中一set...但上枱既时候漏左两粒泡芙都唔知，因为见到隔离枱有所以问下d侍应，佢地都唔知，话要入厨房问下，一问问左10分钟，我地又唔敢食先，废事一阵误会我地食左。后来个侍应另外用碟上番两粒俾我地。三文鱼多士，旧多士系唔脆既，好似摆左好耐咁，旧牛肉汉堡又干又谐，另外个炖蛋呢，囗感好奇特，上面好硬，成旧啫喱糖咁，食完硬个层下面又出水……其余既都还好啦，只能说食物品质和价格成正比。