泓 (已結業)

听朋友讲屯门有间铁板烧厨师发板，近近地即管去会一会。叫咗两个lunch set前菜沙律🥗最基本新鲜沙律菜+蕃茄仔+粟米粒+麻酱厨师会摆好靓盘，新鲜食材任你睇！！主菜有🐟三文鱼、龙脷柳、比目鱼、日本带子全部煎得又香又滑，好美味😋原本餐牌上是美国安格斯牛柳和西冷，向厨师表明我嘅有人唔食牛，即时帮我哋换上黑毛猪扒，态度良好！牛柳火喉十足，5至7成熟嫩滑度刚刚好，完全无韧既感觉，齿颊留香，令人回味！黄金炒饭好高水准，用既系日本珍珠米，睇住厨师由一盘白饭，炒至粒粒金黄分明，味道一流。最后甜品系士多啤梨椰汁糕🍓甜度适中，大人小朋友都啱食！老实讲，睇得出厨师有功架，食物质素系好既！但论环境似乎仲有进步空间，冷气亦唔太够，胜在价格相宜，属于新界区平民化的Omakase 。